"Ювентус" яримҳимоячиси Андреа Пирло ЕЧЛ нимчорак финалининг "Фиорентина"га қарши ўйинлари ҳақида (1:0, 1:1) интервью берди. Эслатиб ўтамиз, жавоб ўйинида унинг голи жамоасига ғалаба келтириб, чорак финал йўлланмасини тақдим этди.
"Ҳафта давомида бундай икки муҳим голнинг (""Ювентус"нинг 1:0 ҳисобидаги ғалабаси билан тугаган А" сериясидаги "Женоа"га қарши ўйин назарда тутилмоқда. -манба) муаллифи бўлганимдан хурсандман. Бу голлар биз ўз мақсадимизга тобора яқинлашиб бораётганимизни англатади.
Бугун жарима зарбасини қандай тепишга қарор қилдим? Охирги дақиқадагина бунга қарор қилгандим. Бу сафар "жонли девор"га қараб олдим ва қўлимдан келганча уни ёриб ўтишга ҳаракат қилдим. "Фиорентина" жиддий қаршилик кўрсатди, лекин ЕЧЛ "Ювентус" учун муҳимроқ турнир эди.
Баъзи одамлар "Пирло қарияпти" дейишганида ҳақлар. Лекин мен ҳамон футболдан завқ олиб ўйнаяпман. Шу ойми, умуман қачон янги шартнома имзолашимни билмайман, лекин аниқ айтишим мумкин, мен "Ювентус"да қоламан
Матнда хатолик топсангиз, ўша хатони белгилаб, бизга жўнатинг (Ctrl + Enter).