Биринчи учрашув олдидан экспертлар умумий ютуқда "МЮ"га 1 фоиз ишонч билдираётган эдилар. Мутахассислар ҳам, мухлислар ҳам мусобақаниинг амалдаги чемпиони бу мавсум ўйинини топа олмаётган манкунианликларни муаммосиз енгиб, кейинги босқич масаласини биринчи учрашувдаёқ ҳал қилишини тахмин қилган эдилар. 1:1 ҳисобидаги дуранг немисларга устунлик берсада, "Олд Траффорд"даги ақлли ўйин ва аниқ ҳаракатлар Дэвид Мойесга яримфинал ҳақида орзу қилишга имкон беради.
Мюнхенликлар билан дурангдан руҳланган "МЮ" чемпионатда "Астон Вилла"ни тор-мор этиб, чемпионлар лигасида қатнашиш учун курашни фаол давом эттирмоқда. Бундеслига муддатидан аввал чемпионликни ҳал қилган"Бавария" бироз хотиржамликка берилди ва биринчи мағлубиятни қабул қилиб олди. "Аугсбург" клуби Гвардиола шогирдлари устидан тарихий ғалабага эришди - 1:0.
Немисларнинг марказдаги муаммолари ҳам "МЮ"га қўшимча умид беради. "Бавария"нинг энг кучли ва даҳшатли чизиғи жароҳатлар ва дисквалификациялар гирдобида. Бастиан Швайнштайгер ва Хави Мартинес дисквалификация туфайли "Альянц Арена"да майдона туша олмаса, Жердан Шачири, Диего Контенто ва Тьяго Алькантара жароҳатлари боис ўйинни трибунадан кузатадилар. "Бавария"нинг икки посбони Том Штарке ва Лукас Редерлар ҳам майдонга туша олмайдилар. Дарвозани 19 ёшли Леопольд Зингерле қўриқлайди.
"МЮ"да ҳам муаммолар бор. Робин ван Перси, Жонни Эванс ва Хуан Мата жароҳатлари боис майдонга тушмайдилар. Уэйн Руни, Рафаэль ва Маруан Феллайниларнинг ҳам иштироклари катта сўроқ остида. Руни машғулотда қисман шуғулланган бўлса, қолган иккиси машғулотда умуман кўринмадилар.
Рақамлар
- Жамоалар чемпионлар лигасида 10 марта дуч келгандлар. "Бавария" уч марта, "МЮ" икки марта ғалаба қозонган. Беш марта дуранг қайд этилган.
- "МЮ" "Бавария"ни бирон марта меҳмонда юта олмаган- икки дуранг ва икки мағлубият.
- "Бавария" ўз майдонида тўрт ўйиндан буён Англия жамоаларини юта олмаяпти.
- "МЮ" чемпионлар лигасида 200 та ўйин ўтказган биринчи кулбга айланади.
- Райан Гиггз чемпионлар лигасида ўйин ўтказиш борасида Раулга тенглашади - 142та ўйин.
- Рио Фердинанд ва Марио Манжукичлар огоҳлантириш олсалар яримфиналнинг биринчи учрашувини ўтказиб юборадилар, албатта, бунинг учун уларнинг жамоаси яримфиналга чиқиши керак.
Ҳакамлар
Учрашувни Швециялик ҳакамлар бригадаси бошқаради. Бош ҳакам - Йонас Эрикссон, ёрдамчилар - Матиас Класениус ва Даниэль Вернмарк.
Тахминий таркиблар
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
