Ўзбекистон миллий терма жамоасининг собиқ ҳимоячиси, Фарғона футболи тарбияланувчиси Андрей Фёдоров куни кеча “Нефтчи” ФК қароргоҳига ташриф буюрди.
Профессионал футболчилик фаолиятининг илк йилларини айнан “Нефтчи”да ўтказган Фёдоров жамоа базаси ва стадиони билан танишиб чиқди ва умуман ўзи учун қадрдон бўлган клубнинг бугунги куни билан қизиқди.
1998 йили футболчилик фаолиятида туб бурилиш ясаб, Россия чемпионатига йўл олган Фёдоров у ерда ўзига яраша ҳурмат қозонгани барчага яхши маълум. Айниқса, унинг “Рубин”да футболчи сифатида ўтказган 8 мавсуми самарали кечган десак муболаға бўлмайди. Қозон жамоаси таркибида 100дан зиёд учрашувда майдонга чиқиб, ўз активига 15та гол ёздириб қўйган собиқ ҳимоячи 2012 йилдан айнан ушбу “Рубин” клубида селекция бўлими бошлиғи сифатида иш бошлади.
Жамоанинг собиқ бош мураббийи Қурбон Бердиевнинг яқин маслаҳатчиларидан бири бўлган Андрей Витальевич ўзи учун янги бўлган лавозимда бир йил ишлади.
Яқинда Фёдоров “Нефтчи” ФК офисида бўлиб, клуб раҳбарияти билан учрашди. Ўзаро суҳбатдан сўнг, Андрей Витальевичнинг жамоа мураббийлар штабида ишлаши маълум бўлди.
Фёдоров эндиликда бош мураббий Мурод Исмоиловга яқин маслаҳатчи мураббий сифатида ёрдам беради ва шу билан бирга селекция ишлари бўйича ҳам шуғулланувчи шахсга айланди.
Ёдингизда бўлса, клуб раиси Тоҳир Кападзе “Нефтчи”да иш бошлаган кезларида жамоага маҳаллий мураббий ва футболчиларни жалб этиш асосий мақсадларидан бири эканлигини айтиб ўтганди. Кўриб турганингиздек, “Нефтчи” таркибида илгари футболчи сифатида 100дан ортиқ учрашувда майдонга тушган Фёдоров эндиликда мураббий сифатида жамоага хизмат қиладиган бўлди.
Унинг жамоада иш бошлашини клуб раиси қуйидагича изоҳлади: “Ҳаммага яхши маълумки, Андрей Фёдоров Фарғона футболи тарбияланувчиси ҳисобланади. Унинг футболчи сифатида эришган ютуқлари таҳсинга лойиқдир. Албатта, бундай профессионал ёш мураббийнинг жамоамизда фаолият юритиши фойдадан холи эмас. Фёдоровнинг бой тажрибаси “Нефтчи”га асқотади. Шунинг учун ҳам уни мураббий сифатида жамоага қайтаришга қарор қилдик”, - дейди Тоҳир Кападзе.
Дарвоқе, бугун машғулотдан олдин Андрей Витальевич мураббий сифатида футболчиларга таништирилади.
Маълумот учун:
Фёдоров Андрей Витальевич
Туғилган йили: 10.04.1971
Туғилган жойи: Фарғона вилояти, Марғилон шаҳри
Фуқаролиги: Ўзбекистон, Россия
Бўйи: 185
Вазни: 80
Футболчилик фаолияти:
| Жамоа |
Йили
|
Ўйин
|
Гол
|
|
“Автомобильчи” (Ўзбекистон/Қўқон)
|
1989-1991
|
44
|
2
|
|
“Нефтчи” (Ўзбекистон/Фарғона)
|
1992-1995
|
114
|
31
|
|
“Нефтчи” (Ўзбекистон/Фарғона)
|
1997
|
24
|
5
|
|
“Алания” (Россия/Владикавказ)
|
1998-1999
|
42
|
1
|
|
“Балтика” (Россия/)
|
1999
|
14
|
0
|
|
“Рубин” (Россия/Қозон)
|
2000-2008
|
127
|
15
|
Ўзбекистон миллий терма жамоасидаги фаолияти:
| Ўзбекистон миллий терма жамоаси |
1994-2006
|
65
|
7
|
Мураббийлик фаолияти:
| "Рубин"да селекция бўлими бошлиғи |
2012-2013
|
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
