Известия: ЖЧ-2014да ҳакамлар ҳар бир ўйин учун 50 минг доллар олишади
Бразилиядаги ЖЧда бош ҳакамлар ҳар бир ўйин учун 50 минг доллардан ишлаб топишади. Бу ҳақида Россиянинг "Известия" сайти хабар тарқатди.
Манбада келтирилишича, шунингдек, ҳар бир ҳакамга ЖЧга ташриф буюргани учун 15 минг доллардан берилади.
Аслида бундай маълумотни ФИФА ҳеч қачон ошкор қилмайди. Шу боис бу расмий мақомга эга маълумот эмас.
Масалан, "Известия" ЖЧ-2010да ҳакамлар битта ўйин учун 45 минг доллар олганини, барчадан кўп ўйинларни (5та) бошқарган Эрматов эса 225 минг доллар ишлаб топганини айтади. Аммо Эрматовнинг ўзи битта ўйин учун 45 минг доллар берилиши ҳақида маълумот ҳақиқатга мос келмаслигини таъкидлаганди.
Равшан Эрматов ЖЧ-2014 ўйинларини бошқариб борадиган ҳакамлар сафига киритилган. Унинг гуруҳи 1 июнь куни Бразилияга етиб борган.
Манба: izvestia.ru
Киритилди: 08:53, 07.06.2014. Ўқилди: 7235 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар