3 август куни “Металлург” футбол клуби мухлислари иккита мудҳиш хабарни эшитишди. Узоқ йиллар Бекобод футболи равнақига, “Металлург” жамоасининг шаклланишига катта ҳисса қўшиб келган инсон, жамоанинг собиқ бошлиғи Аҳад Самадович Караматов оғир хасталикдан кейин бу дунёдан кўз юмди. Караматов нафақат Бекобод футболига, балки ўзбек футболининг ривожишига ҳам муносиб улуш қўшган эди, десак муболаға қилмаймиз. Фаолиятини футболчиликдан бошлаб, кейинчалик ҳакамлик қилган, ундан кейин клубларда фаолият олиб борган Аҳад Саматович ҳамиша ўзидан яхши ном қолдиришга сазовор бўлган. Иқтидорли футболчиларни тарбиялаган, истеъдодли шогирдлар етиштириб чиқарган, қаерда фаолият юритган бўлса, шу масканннинг обрў-эътибори учун қўлидан келган барча ишни амалга оширган. Жумладан, Бекободда ҳам футболнинг ривожланиши, “Металлург” футбол клубининг шаклланиши, олий лигадаги мавқеини мустаҳкамлашида Аҳад Караматовнинг беқиёс ҳиссаси бор. Бу инсоннинг хотираси бекободлик мухлислар қалбида, “Металлург” клуби раҳбарияти, барча ўйинчилари хотирасида узоқ яшашига шубҳа йўқ.
Иккинчи нохуш хабар, ўзбек футболи журналистикасида, умуман спорт журналистикамиз соҳасида ўз ўрни, нуфузига эга бўлган, ширали овози, бетакрор шарҳлари билан ишқибозлар қалбини забт этган фидойи шарҳловчи Давлат Турдалиевнинг бевақт вафот этиши бўлди. Жаҳон футболи, ўзбек футболи ҳақида ажойиб кўрсатувлар тайёрлаган, намунали, мазмунли шарҳлари билан футбол журналистикаси бойитган бу инсонни ҳам “Металлург” футбол клуби ишқибозлари ўзгача меҳр билан суйишарди. У кишининг зангори экран орқали ҳар бир чиқишларини катта қизиқиш, сабрсизлик билан кузатиб боришарди. Аммо тақдир шу экан... Футболимизнинг жонкуярлари бўлган бу инсонлар орамиздан бевақт кетди. Бироқ, ҳаёт давом этади. Уларнинг хотираси халқимиз қалбида мангуга яшашига ишонамиз. Марҳумларнинг оила аъзоларига, яқинларига ҳамдардлик билдирамиз. Ўтганларнинг охиратлари обод бўлсин. Қолганларнинг умрларини Аллоҳ зиёда қилсин.
“Металлург” футбол клуби жамоаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
