Мазкур хабарни тайёр бўлганига бир ҳафтадан ошганди. Очиғи, уни чоп этишга бир иккиланиб тургандим.
Биринчидан, клуб раҳбарияти билан боғланишда айрим муаммолар юзага келди. Иккинчидан, маҳаллий мутасаддилардан расмий рухсат олмасдан оммага етказиб бўлмасди...
Ўтган йилни кўтаринки кайфиятда ўтказиб, кучлилар сафига қўшилган “Андижон” жамоаси учун жорий мавсум ниҳоятда омадсиз кечмоқда. Андижонликлар биринчи давра давомида атиги 4 очко жамғарган ҳолда сўнги поғонадан жой олишганди. Вилоят мутасаддилари юзага келган вазиятни ўнглаш мақсадида ёзги таътил чоғида жамоа таркибига бир қатор маҳоратли футболчилар ҳисобига кучайтирилди. Қолаверса, тажрибали мутахассис Сергей Шевченко клубга таклиф этилди (олинган маълумотларга қараганда, на клуб раҳбарияти, на вилоят раҳбарлари С.Шевченкога расман таклиф билан чиқишган — муал.). Умуман олганда, украиналик мураббий учун Андижон футболи бегона эмас. Ўз вақтида ушбу жамоани бошқарганини мухлисларимиз яхши эслашади.
Таъкидлаш жоизки, водийликлар ҳал қилувчи палла учрашувларини муваффақиятли бошлашди. Иккинчи давранинг ортда қолган беш тур натижаларига кўра, “Андижон” тўрт очко йиғди. Бу яхши кўрсаткич, албатта. “Андижон” клубига бефарқ бўлмаганлардан олинган хабарларга кўра, клубда носоғлом муҳит ҳукмронлик қилмоқда. Аниқроғи, ўта чигал вазият юзага келган. Хабарингиз бор, андижонликлар бош мураббий Азамат Абдураимов қўл остида янги мавсумга тайёргарлик ишларини олиб боришди. ХХIII миллий чемпионатдан бошлангач, жамоа ўз ўйинини топа олмади. Натижада, клуб раҳбарияти Азамат Биродаровични ўз вазифасидан озод этди. Сўнгра клубга Сергей Шевченко чақирилди. Бироқ украиналик мутахассисда “PRO” халқаро лицензияси йўқ эди. ЎФФ талабларига асосан клубларимизни шундай халқаро лицензия эга мураббийларгина бошқариш ҳуқуқига эгалар. Шуни инобатга олган клуб мутасаддилари “Пахтакор”даги Самвел Бабаян сингари унга клуб менежери лавозимида ишлашини айтишган. Энг қизиғи, Сергей Шевченко ҳеч кимга ишга қабул қилишлари тўғрисида ариза ёзмаган, ҳеч ким уни ишга қабул қилмаган. Балки ишонмассиз, собиқ бош мураббий Азамат Абдураимов ҳали клуб билан расман хайрлашмаган. Яъни, масъул шахслар унинг ишдан бўшаш тўғрисидаги аризасига имзо чекишмаган...
Менежерликдаги маош эса Сергей Шевченкони қониқтирмаган (1 200.000 сўм миқдорида, бош мураббийники эса 10 000.000 сўм). Шунга қарамасдан у клубда қолган. Pасман тан олинмаган янги мураббийлар штаби буйруқ бериш билан овора бўлишаётганди. Оқибатда тасдиқдан ўтган клуб раҳбарияти билан келишмовчиликлар юзага кела бошлаган. Хуллас, Шевченконинг мамлакатимиздаги қисқа муддатли саргузаштлари шу тариқа интиҳо топди.
Ҳадемай, “Андижон” футбол клуби ўзининг 50 йиллигини қарши олади. Айни пайтда мазкур тадбирга жиддий ҳозирлик ишлари олиб бориляпти. Ўйлаймизки, вилоят ҳокимлиги юзага келган нохуш вазиятни ижобий ҳал этишади.
Неъматжон Аҳмедов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
