2014 йилнинг 19 сентябрь – 4 октябрь кунлари Жанубий Кореянинг Инчеон шаҳрида ўтказиладиган XVII ёзги Осиё ўйинларида қитъанинг 45 давлатидан (жами делегациялар аъзоларининг сони 13.000 нафардан зиёдни ташкил этади) келган энг сара спортчилар 36 спорт тури бўйича 439 та медаллар жамланмаси учун кураш олиб борадилар. Мазкур мусобақаларни 9300 нафар ОАВ ходимлари (6200 нафар теле-радио, 3100 нафар матбуот ходимлари) ёритиб борадилар.
Маълумки, ер юзидаги қитъалар орасида энг кўп аҳоли Осиё қитъасида истиқомат қилади. Осиё ўйинлари қитъа миқёсида ўтказиладиган энг нуфузли спорт мусобақаси ҳисобланади ва мазкур ўйинларни бевосита ёки билвосита миллиардлар замондошларимиз кузатиб борадилар.
XVII ёзги Осиё ўйинларининг шиори “Ҳилма-ҳиллик шу ерда янада равнақ топади”. Бу ўз навбатида қитъа аҳолисининг тарихи, маданияти, қадрият ва анъаналари “Инчеон-2014” ўйинларида янада равнақ топишга ишора.
“Осиё ўйинлари-2014”нинг тимсоли сифати ака-сингил Вичион (умид ва ёруғлик рамзи), Бараме (эзгу хабар ва шамол рамзи) ҳамда кичик сингил Чумуро (қувноқлик, рақс рамзи) танланган бўлиб, улар Инчеон шаҳридаги Бекрион оролида яшовчи сув жониворларидир.
“Осиё ўйинлари-2014” медаллари думалоқ шаклда тайёрланган бўлиб, унинг ичида акс эттирилган беш бурчак Инчеон шаҳрининг бешта порти рамзи сифатида келтирилган.
“Осиё ўйинлари-2014”нинг машъаласи Инчеон шаҳрининг рамзий қуши турнага тақлид қилиб яратилган. Машъала учишга шай бўлган турнани акс эттиради.
Машъаланинг ички цилиндри Инчеон шаҳрининг мусаффо осмони ҳамда океанига ишора сифатида кўк рангда ишланган. Ушбу цилиндр, шунингдек, яшил, сариқ, қизил ва бинафша рангда акс этган бўлиб, бу ўз навбатида Осиёнинг бешта қисми рамзи сифатида эътироф этилади.
19 сентябрь куни ўтказиладиган Осиё ўйинларининг тантанали очилиш маросими “Осиёнинг ёруғ келажагини қарши олинг” шиори остида ташкил этилади. 4 октябрь кунига белгиланган ёпилиш маросимининг шиори “Инчеондаги эзгу хотираларимиз” деб номланган.
Маълумот учун. Инчеон шаҳри Жанубий Кореянинг энг ривожланган шаҳарларидан бири ҳисобланиб, бу ерда 2,9 миллион аҳоли истиқомат қилади. Аҳоли сони жиҳатидан Сеул ва Пусан шаҳарларидан кейин учинчи ўринда туради.
Шавкат Жалилов
Инчеон шаҳридан махсус тайёрланди
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
