Эрик Тохир: "Лойиҳани бирга бошлаганмиз, шунинг учун Маццари хотиржам бўлаверсин"
"Интер" президенти Эрик Тохир жамоа бош мураббийи Вальтер Маццарини қўллаб-қувватлашини билдирди. Аввалроқ ОАВда Милан клуби устози бугуноқ ўз вазифасидан озод этилиши ҳақида хабарлар пайдо бўлганди.
Шу билан бирга, Тохир натижаларнинг тез орада яхшиланишига умид билдирди. Эслатиб ўтиш ўринлики, Италия чемпионатининг 11 туридан сўнг "нерадзурралар" 16 очко билан мусобақа жадвалининг 9-поғонасини банд этишган.
"Бу ҳақда кўп нарса ўқидим, лекин мен Маццарининг олдига ультиматум қўйганим йўқ. Олтинчи ёки еттинчи марта шуни таъкидлаяпман, бу лойиҳани Маццари билан бошлаганман, шунинг учун у ўзини хотиржам ҳис этиши мумкин. Режамизнинг амалга ошиши учун қанчадир вақт кераклигини иккимиз ҳам биламиз. Лекин бизга натижа ҳам муҳим. Жароҳатлар вазифани мураккаблаштирмоқда", - деди Эрик Тохир.
Манба: www.championat.com
Киритилди: 20:19, 10.11.2014. Ўқилди: 4030 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар