«Ўзэкспомарказ»да «Sport World Uzbekistan – 2014» ва «Болалик дунёси – 2014» халқаро кўргазмалари иш бошлади. Бу ҳақда ЎзА хабар бермоқда.
Кўргазмалар «Соғлом бола йили» Давлат дастури ижроси доирасида Ўзбекистон Республикаси Ташқи иқтисодий алоқалар, инвестициялар ва савдо вазирлиги, Халқ таълими вазирлиги, Ўзбекистон Миллий Олимпия қўмитаси, Болалар спортини ривожлантириш жамғармаси кўмагида «Ўзэкспомарказ» миллий кўргазмалар мажмуи томонидан ташкил этилди.
Спорт инфратузилмасини ривожлантириш борасида амалга оширилаётган кенг кўламли ишлар самарасида бугунги кунда мамлакатимизда 1500 дан ортиқ болалар спорти объекти фаолият юритмоқда. Бу объектлар асосан юртимизда ишлаб чиқарилаётган спорт инвентарлари билан жиҳозланмоқда. 120 турдаги спорт инвентари ва ускуналарининг 116 таси корхоналаримизда ишлаб чиқарилмоқда.
Мамлакатимиз спорт саноатининг сўнгги ишланмаларини ўзида мужассам этган ихтисослаштирилган «Sport World Uzbekistan» спорт ускуналари, анжомлари ва кийимлари кўргазмаси иккинчи марта ўтказилмоқда. Унда ўттиздан зиёд компания иштирок этаётир.
Кўргазмада “Ўзавтосаноат” акциядорлик компанияси таркибидаги корхоналар ҳам ўз маҳсулотларини намойиш этмоқда. Уларнинг стендларидан ҳам «Машхим» масъулияти чекланган жамияти ва «Asia Sport-S» хусусий фирмаси маҳсулотлари каби турли тренажёрлар, футбол, баскетбол, волейбол, гандбол, теннис, стол тенниси, бадминтон, гимнастика, бокс, кураш, енгил атлетика, армрестлинг, ядро улоқтириш, велоспорт ва шахмат сингари спорт турлари учун инвентарь ва жиҳозлар жой олган.
– 1996 йилда ташкил этилган компаниямиз спорт товарлари импортидан босқичма-босқич воз кечиб, уларни мамлакатимизда ишлаб чиқаришни йўлга қўйди, – дейди «Asia Sport-S» хусусий фирмаси бош директори Саидаҳмад Камолов. – Бугунги кунда 35 турдан ортиқ спорт инвентари ва жиҳозлари ишлаб чиқарилмоқда. Маҳсулотларимизни экспортга ҳам етказиб бермоқдамиз.
«Спорт иншоотлари қурилиши» бўлимида усти очиқ ва ёпиқ спорт майдонларини қуриш, таъмирлаш, реконструкция қилиш ҳамда турли спорт қопламаларини ётқизишга ихтисослаштирилган «Aniz» (Sportplay) масъулияти чекланган жамияти ўз маҳсулотларини намойиш этмоқда. Шунингдек, «Восток» компанияси нуфузли хорижий компаниялар томонидан спорт иншоотлари учун махсус ишлаб чиқарилган қоплама намуналарини тақдим этган.
Кўргазмада «Liliya Luks» масъулияти чекланган жамияти альпинизм учун мўлжалланган жиҳозлар, «Telemetrik» компанияси эса маълумот таблоси ва бошқа турдаги электрон маҳсулотларни намойиш қилмоқда.
«Ўзбекенгилсаноат» давлат акциядорлик компанияси стендида кенг турдаги спорт кийимлари тақдим этилмоқда.
Миллий Олимпия қўмитаси, «Соғлом авлод учун» фонди ва қатор спорт федерациялари маълумотлар акс эттирилган стендлар билан қатнашмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
