"Ливерпуль" бош мураббийи Брендан Рожерсга жамоа кўрсатаётган натижаларни яхшилаш йўлида нималар қилиш лозимлиги тўғрисида савол беришди. Мураббийнинг таъбирича, "қизиллар"нинг энг катта муаммоси - руҳиятда.
"Спортда, жумладан футболда ҳам, мағлубият баъзида сени кучлироқ қилиши, кўп нарсани ўргатишига ишонаман. Сен уларга нисбатан қандай муносабатда бўлишни, ғалаба йўлига қай тарзда қайтиш мумкинлигини ўрганасан. Баъзида бутун бир мавсумни ўзгартириб юбориш учун биргина ўйиннинг ўзи етарли бўлади. Айнан шу нарса бизга етишмаётганига ишончим комил. Ҳозирча, "Тоттенҳэм" билан ўйинни ҳисобга олмаганда, ҳали бирорта ҳам баҳсда ўтган йилги даражамизда ўйин кўрсата олмадик.
Ҳеч қачон фақат бир нарса қила кўрма - таслим бўлма. Биз ҳам бундай қилмаймиз. Курашишда ва адолат ғолиб келишига умид билан ишлашда давом этамиз, очколар йиға бошлаймиз. Ҳамма ҳам хато қилиши мумкин. Биз бугунги кунимиз билан яшашимиз ва бор диққатимизни кейинги ўйинга қаратишимиз керак. Бу ерда кўп нарса психологик жиҳатларга, ўз кучимизга қанчалик ишонишимизга боғлиқ. Менинг ишим - футболчилар билан алоҳида-алоҳида суҳбатлашиш, уларни машғулотлар майдони қувноқ жой эканига ишонтириш. Жамоадаги ҳамма навбатдаги ўйин ҳар биримиз учун навбатдаги имконият эканини тушуниши лозим", - дея Рожерсдан иқтибос келтиради ESPN.
Матнда хатолик топсангиз, ўша хатони белгилаб, бизга жўнатинг (Ctrl + Enter).