Ўтган ҳафтада Фарғонада “Ҳоким кубоги” баҳслари ўз якунига етди. Финал ўйинида “Нефтчи” “Қўқон-1912” жамоасини йирик ҳисоб билан таслим этганинидан мухлисларнинг хабари бор. Финал якунига етганидан сўнг махаллий “Рухсор” ва “Марғилон” телеканали ижодкорлари “Нефтчи” устози Мурод Исмоиловдан интервью олишга муваффақ бўлишди. ОАВ вакиллари мураббийга олдиндаги мавсум ва “Ҳоким кубоги” баҳслари, қўқонликларга қарши ўйин борасидаги савол билан муражаат қилишди.
— “Қўқон-1912”ни ҳар доим ҳурмат қиламиз. Жамоа борган сари ўз ўйинини топиб бормоқда. Олдинги тўқнашувларимизга қараганда, бугун Қўқон жамоаси 70% яхши ўйнади. Янги мавсумда, “Нефтчи” мураббий сифатида эмаску, лекин Фарғона вилояти фуқароси сифатида уларга мухлислик қиламан. Мавсум олдидан таркибга жалб қилган йигитлардан 6 нафари Олимпия терма жамоаси таркибида бўлиб турибди. Шунинг учун бугун уларнинг хизматларидан фойдалана олмадик. Улар ҳам тез орада сафимизга келиб қўшилишади. Насиб қилса, шу кунларда Туркия йиғинига отланамиз. У ерда тўртта назорат баҳсларида иштирок этамиз. Мавсумга жиддий тайёрланиб, бу йил мухлисларни хурсанд қилишга ҳаракат қиламиз.
— Турнир давомида “Нефтчи” ўйинларини кузатдик. Фикрингизча, жамоа яна қайси жабҳаларда оқсамоқда ва турнирнинг ўтказилиши сизга манзур бўлдими?
— Ҳамма жамоада камчилик ҳар доим бўлади. Лекин турнирни ташкил қилиш борасида фикрларим ижобий. Ўйинлар вақтида ўтказилди. Об-ҳаво ҳам бахтимизга ёмон бўлмади. Ташкилий масалалар ҳаммаси ўз ўрнида ҳал этилди. Аммо бу билан тўхтаб қолмаслик керак. “Ҳоким кубоги” турнирининг савиясини кўтариш керак. Иложи бўлса, турнирга қандайдир жамғарма қилиб, бошқа юқори савиядаги клубларни ҳам таклиф қилиш лозим. “Андижон”, “Навбаҳор” ва Тошкент клубларини келаси йили Фарғонага таклиф қилишни режа қиляпмиз. Қиш фаслида, ишқибозлар футболни қўмсак турган бир пайтда биз Фарғонага катта футболни олиб келишимиз зарур. Балки кейинчалик “Ҳоким кубоги”ни Осиё миқиёсида ўтказсак ажаб эмас.
— Мурод ака, жамоага Мансур Саидов, Бахтиёр Ёқубов, Акмал Холматов каби клубнинг машҳур ижрочилари қайтиб келишди. Таркиб етарли даражада кучайтирилмоқда. Айтингчи, жамоа шу кучи билан Мавсум-2015да қандай натижаларни кўзламоқда?
— Ўтган йили кўп нарсаларни ваъда қилиб қўйиб қийналдим. Энди бу йил ҳам иложи борича, яхши натижаларни қайд этишга ҳаракат қиламиз. Ҳар бир баҳсда ишқибозлар стадионни яхши кайфиятда тарк этишлари учун боримизни бериб, натижа учун курашамиз. Агар мана шу фикрларимизни футболчиларни онгига яхши етказа олсак, футболчилар амалда бажариб берса, ҳаммаси жойида бўлади. Ҳар доим айтилади, “Нефтчи” доим фақат юқори ўринлар учун курашади. Фақат натижаси билан эмас, балки клуб бошқа тарафлама ҳам, яъни ёшларни етиштириб бериш билан мақтана олиши лозим. Муҳими, тўхтаб қолмаслик. Фақат олдинга ҳаракат қилиш керак.
“Рухсор” ТРК ахборот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
