Таэквондо (WTF). Терма жамоамиз аъзолари Туркия очиқ чемпионатига йўл оладилар
2015 йилнинг 12-15 февраль кунлари Туркиянинг Анталия шаҳрида Таэквондо (WTF) бўйича 2016 йилги XXXI ёзги Олимпиада ўйинларининг йўлланмалари учун рейтинг очколар ўйналадиган Туркия очиқ чемпионати баҳслари ўтказилади.
Мазкур нуфузли мусобақада Ўзбекистон терма жамоаси бош мураббийи Александр Ким бошчилигидаги мамлакатимиз терма жамоаси аъзолари ҳам совринли ўринлар учун кураш олиб борадилар.
Терма жамоамиз таркибидан Жасур Бойқўзиев, Дмитрий Шокин, Максим Рафалович, Никита Рафалович, Дилобар Сайдуллаева, Наталья Маматова, Владислав Хан, Дилдора Элиева, Раъно Байбатаева, Валентин Хегай, Гўзал Нарбабаева, Тимурбек Уралов каби тажрибали ва иқтидорли спортчилар ўрин эгаллашган.
“2016 йили Рио-де-Жанейро шаҳри (Бразилия)да ўтказиладиган XXXI ёзги Олимпиада ўйинларининг йўлланмаларини қўлга киритиш учун Таэквондо (WTF) спорт тури вакиллари рейтинг очколари ўйналадиган қатор йирик мусобақаларда иштирок этадилар. 2015 йил якунида ушбу мусобақаларда қўлга киритилган рейтинг очколар жамланади ва ҳар бир вазн тоифасида 1-6 ўринларга сазовор бўлган спортчилар Олимпиада ўйинларида қатнашиш хуқуқига эга бўладилар. Бундан ташқари Осиё давлатлари вакиллари учун 2016 йилнинг январь – февраль ойларида қитъавий саралаш мусобақаси ўтказилади. Мазкур турнирда 1-2 ўринларни банд этган таэквондо усталари ҳам Олимпиада ўйинларига йўлланма оладилар. Бугунги кунга келиб, ҳамюртларимиз орасида энг юқори рейтинг кўрсаткичга 2014 йили Жанубий Кореянинг Инчеон шаҳрида ўтказилган Осиё ўйинлари ғолиби Жасур Бойқўзиев эга. Жасур ўз вазн тоифасида рейтинг жадвалида кучли учликда бормоқда. Шу билан бирга, қолган вазн тоифаларида ҳам спортчиларимиз ўз мавқеиларини мусобақадан-мусобақага яхшилаб бораётганлигини таъкидлаш ўтиш керак”, - дейди Ўзбекистон Таэквондо (WTF) ассоциацияси Бош котиб ўринбосари Сарвар Шaмусаров.
Туркия очиқ чемпионатида, шунингдек, ўсмирлар ва ўспиринлар (кадетлар) ўртасида ҳам мусобақалар ўтказилади.
Ўсмирлар терма жамоамиз таркибидан 12 нафар умидли спортчимиз ўрин эгаллаган бўлса, ўспиринлар ўртасида бўлиб ўтадиган баҳсларда тўрт нафар ҳамюртимиз Ватанимиз шарафини ҳимоя қилади.
Манба: www.olympic.uz
Киритилди: 13:08, 09.02.2015. Ўқилди: 3435 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
