ФИФА рейтингида юқорига кўтарилган термалар. ТОП-10
ФИФА 2015-йилнинг январ ойига кўра терма жамоалар рейтингини эълон қилгани ҳақида олдинроқ хабар бериб ўтган эдик. Рейтингда бирданига бир нечта поғона юқорига кўтарилган терма жамоалар кўп бўлди. Furkat.uz сайти рейтингда юқорига кўтарилган термалар ўнлигини тузиб чиқди.
9-10. Гана (+12) 25-ўрин
Январда Африка Миллатлар кубоги финалига қадар етиб келган Гана терма жамоаси рейтингда 12 поғона кўтарилиб, 25-ўриндан жойлашди. Грант шогирдлари қитъа кубогининг финалида пеналтилар сериясига кўра рақибларига имкониятни бой бериб қўйишганди.
9-10. Конго (+ 12) 49-ўрин
Африка Миллатлар кубогининг бронза медалига сазовор бўлган Конго Демократик Республикаси терма жамоаси ҳам рейтингда бирданига 12 ўрин юқорига кўтарилиб, умумий жадвалнинг 49-поғонасига жойлашди.
7-8. БАА (+14) 66-ўрин
БАА терма жамоаси Осиё кубогида бронза медалини қўлга киритганлиги учун рейтингнинг 80-ўрнидан 66-ўрнига кўтарилди ва Ўзбекистон терма жамоасини ортда қолдиришга муваффақ бўлди.
7-8. Хитой (+14) 82-ўрин
Хитой термаси ҳам рейтингда 14 поғона юқорига кўтарилишга муваффақ бўлди. Австралияда кечган Осиё кубогида чин юрти вакиллари гуруҳ босқичидаги 3 ўйинни ҳам ғалаба билан якунлаганликлари рейтингда кўтарилишга сабаб бўлди.
5-6. Жанубий Корея (+15) 54-ўрин
Жанубий Корея терма жамоаси Осиё кубогининг вице-чемпионига айлангани учун ҳам 15 ўрин юқорига кўтарилиб, рейтингнинг 54-поғонасидан жой олди. Ким билади дейси агар корейслар финалда мезбонларни таслим қилишганида кучли элликталикдан жой олишган бўлармиди.
5-6. Мавритания (+15) 123-ўрин
Мавритания терма жамоаси гарчи Африка кубогида иштирок этмаган бўлса ҳам, рейтингда 15 ўрин юқорилади. Бу бироз тушунарсиз бўлмоқда. Мавритания айни пайтда рейтингнинг 123-поғонасини банд этиб турибди.
4. Покистон (+17) 171-ўрин
Покистон термаси 2014-йилни 198-ўринда якунлаган эди. 2015-йилнинг илк ойида эса ушбу терма жамоа 171-поғонага кўтарилди. Жадвалнинг қуйи қисмида биргина ғалаба ҳам анча кўтарилишга замин яратади.
3. Ироқ (+20) 94-ўрин
Осиё кубогида 4-ўринни қўлга киритган Ироқ терма жамоаси бирданига 20 ўрин юқорига кўтарилиб, 94-ўриндан жой олди. Ироқликлар Австралия майдонларида ишончли, мазмунли ва барқарор футбол намойиш қилишди.
2. Австралия (+37) 63-ўрин
Ўз майдонида Осиё чемпиони бўлган Австралия терма жамоаси рейтингда бирданига 37 поғона кўтарилишга муваффақ бўлди. Шу тариқа Австралия рейтингда Ўзбекистонни орқада қолдириб, Осиё жамоалари орасида 4-ўринга чиқди.
1. Экваториал Гвинея (+69) 49-ўрин
Африка кубогини ўз майдонида ўтказиб, унда 4-ўринни қўлга киритган Экваториал Гвинея терма жамоаси рекорд 69 поғона юқорига кўтарилиб рейтингнинг 49-ўрнидан жой олди. Агарда мезбонлар чемпион бўлганликларида балки бу кўрсаткич янада ошган бўлармиди.
Кўриб турганинггиздек январ ойида ўтказилган икки йирик мусобақа Осиё ва Африка кубогида совриндор бўлган терма жамоалар рейтингда анча юқорига кўтарилиб олишган. Эътиборли жиҳати ушбу рўйҳатдан айнан мана шу икки қитъа вакиллари жой олишди.
Фурқат Юсупов
Манба: furkat.uz
Киритилди: 08:01, 16.02.2015. Ўқилди: 7654 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
