"Локомотив" ва "Фулад" жамоалари ўртасидаги ўйиндан (1:1) сўнг матбуот анжумани ўтказилди. Унинг иккинчи қисмида Вадим Абрамов иштирок этди.
— Уйимиздаги биринчи ўйинда футболчилар ҳаяжонланишди ва айрим футболчилар ўз ўйинларини кўрсата олишмади. Тезда гол уриб олганимиздан кейин рақиб ўйинига мослашиб қолдик. Бунга ўзимиз айбдормиз. Гол уриш учун имкониятларга эга бўлдик. Аммо улардан фойдалана олмадик. "Локомотив" ОЧЛдаги ўзининг илк очкосини қўлга киритди. Ўйлайманки, бу билан чекланиб қолмадик.
— Абдуҳолиқов ўйинидан қониқиш ҳосил қилдингизми?
— У ўзига юклатилган вазифани бажарди. Шунчаки у камроқ ўйин вақтига эга бўлди. Майдонда қолганида яна фойда тегиши мумкин эди.
— Жасур Ҳасанов 90 дақиқа ўйнашга тайёр эмасми?
— Рақиб кўпчилик бўлиб ҳимояланишини инобатга олиб, уни захирада қолдирилганди. Жасурга кўпроқ бўш зоналар керак. Агар ютаётган бўлганимизда Ҳасанов захирадан тушиб, қарши ҳужумда бизга фойда келтирган бўларди.
— Лутфулла Тўраев сариқ карточка туфайли кейинги турни ўтказиб юборади. Бу сизга муаммо туғдирмайдими?
— Муаммо бўлади, аммо унинг ўрнини билдирмасликка ҳаракат қиламиз.
— Вадим Карленович, ҳар сафар Америка очишга ҳаракат қиляпсиз. Ўтган ўйинда Олий лигада ҳали бир дақиқа ҳам ўйнамаган дарвозабонни майдонга туширдингиз, бугун Сардор Мирзаев ўнг қанот ҳимоясида ўйнади. Таркибда етарли футболчиларга эга бўла туриб, бу ишларга қўл уриш шартми?
— Дарвозабон масаласида тўхталадиган бўлсам, ёш посбон машғулотларда яхши ишланганди, Маъмур эса ҳали сафимизда машғулот ўтказмаганди. Шунингдек, ёшлар учун сафарда дебют қилиш яхшироқ. Масалан, ўтган турда яхши ўйнаган Шоаҳмедов бугун деярли кўринмади. Мирзаев борасида эса бугун 3 ҳимоячи билан ўйнадик. Мирзаев ярим ҳимояда ўйнади ва шунчаки ҳимояланаётганимизда ўша зонани ёпди.
— Жамоа стандарт вазиятлардан фойдана олмаяпти.
— Стандарт шундай нарсаки, машғулот пайтида ҳар қанча ишланмасин, ўйин пайтида вазият турлича бўлиши мумкин.
— Дастлабки иккита ўйинда мураббий сифатида хатога йўл қўйдим деб ўйлайсизми?
— Мавсум энди бошланди. Олдимизга қўйилган вазифаларни бажариш учун ҳали вақт бор. Яхши от кейин чопади. Барчасини куздаги натижалар кўрсатиб беради. Мавсум давомида фақат ёрқин ўйин кўрсата оладиган жамоа бўлмайди.
— Сизга ва футболчиларга босим бўлаётгандек тасаввур уйғотяпти.
— Йўқ, ҳеч қандай босим йўқ. Биз мухлислар учун ишлаяпмиз. Мухлисларга ўйин ёқиши учун ишлаяпмиз. Клуб ичидаги бошқа гаплар эса бу нормал ҳолат.
— Суперкубокка қандай ўйин сифатида қараяпсиз?
— Мавсум жиддий ўйинлар билан бошланди: ОЧЛнинг 2та ўйини, энди Суперкубок. Суперкубок яхши соврин, уни ютишни истаймиз. Қизиқарли ўйин бўлади. "Пахтакор" яхши жамоа, улар билан ўйнаш ёқимли бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
