"Реал" кетма-кет иккинчи ўйинда очко йўқотмоқда. Ўтган турда мадридликлар "Бернабеу"да "Вильярреал" билан дуранг ўйнашган бўлса, бу сафар улар Бильбаода "Атлетик"ка мағлуб бўлишди.
Баскларга ҳам қойил қолиш керак. Улар 3 кун аввал Испания кубогининг ярим финал жавоб ўйинида "Эспаньол"ни сафарда мағлуб этиб финалга чиқишган бўлса, бу сафар номдор рақибдан 3 очко тортиб олишди.
"Атлетик" футболчилари ўйинга жуда катта мотивация билан чиқишгани ўйин бошидан кўриниб турганди. Натижада улар биринчи бўлим давомида Анчелотти шогирдларига яққол голли вазият яратиш имконини беришмади. Аксинча, мезбонлар ўйиннинг 26-дақиқасида ҳисобни очишди. Жарима майдончасининг ўнг томонидан Микель Рико кўтариб берган узатмаган Адурис 11 метрли нуқта устида бош билан зарба бериб, Касильяс дарвозасининг юқори бурчагини ишғол қилди.
"Қироллик клуби" иккинчи бўлим бошида майдон эгалари дарвозасига жуда катта босим уюштирди. Ҳимоячилар ва дарвозабоннинг матонати эвазига тўп "Атлетик" дарвозасига кирмади. Ўйин сўнгида эса тўп икки жамоа дарвозаси устуни ва тўсинига бир мартадан тегди.
Дастлаб, ўнг қанотдан етказилган тўпни Сусаета бош билан Адурисга етказди. Ариц тўп учун курашда Пепедан устун келди ва дарвоза томон бош билан зарба берди. Тўп дарвоза устунига тегиб, майдонни тарк этди. Ўйин тугашига 7 дақиқа қолганида омадсизлик туфайли Бэйл жуда чиройли гол муаллифига айлана олмади. Гарет майдон марказидан тўпни дарвозабоннинг устидан оширишга қарор қилди. Тўп олдинроққа чиққан Ираисоснинг устидан ошиб ўтиб, дарвоза тўсинига тегиб қайтди!
Ушбу ғалабадан кейин "Атлетик" ўз очколарини 33тага етказиб, 8-ўринга кўтарилиб олди. "Мадрид" эса кетма-кет иккинчи ўйинда очко йўқотишидан сўнг жадвалда 2-ўринга тушиб қолиши мумкин. "Барселона" эртага "Райо Вальекано"га қарши ўйнайди. Каталонияликлар ғалаба қозонишса, ашаддий рақибидан 1 очкога ўтиб кетишади.
Испания Ла лигаси, 26-тур
Атлетик – Реал Мадрид 1:0 (онлайн трансляция)
Гол: 1:0 – 26 Адурис.
Атлетик – Ирайсос, Ираола, Эчейта, Гурпеги, Баленсиага, Беньят, Рико (Токеро, 90), Де Маркос, Муниаин (Сусаета, 64), Адурис, Уильямс (Фернандес, 75).
Реал Мадрид – Касильяс, Карвахаль, Пепе, Варан, Марсело, Ильярраменди (Хесе, 71), Иско, Бэйл, Кроос (Лукас Силва, 76), Бензема (Эрнандес, 80), Роналду.
Огоҳлантиришлар: Кроос (30), Адурис (30), Эчейта (39), Ильярраменди (41), Иско (74), Гурпеги (78), Марсело (86).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
