Сергей Лушан: «Бухоро»га олтита гол уришимиз керак эди»
“Бунёдкор” – “Бухоро” учрашувидан кейин ташкил этилган матбуот анжуманида биринчи бўлиб “қалдирғочлар” устози иштирок этди.
- Чемпионатнинг биринчи турида ғалаба қозонганимиздан хурсандман. Лекин кўрсатган ўйинимиз очиғи “Бунёдкор”никига ўхшамади. Биз ўз савиямиз даражасида футбол ўйнамадик. Йигитлар билан ҳали учрашувни муҳокама қилиб чиқамиз. Йўл қўйилган хато ва камчиликларни бартараф этишга ҳаракат қиламиз. Бугун 6та гол уришимиз керак эди. Лекин шу 2:0 ҳисоби биз учун қандайдир ноқулай бўлиб бормоқда. 2та гол уриб олгач, йигитлар орқага ётиб олишяпти. Биз ҳужумкор ўйин кўрсатишдан асло чекинмаслигимиз керак. Ҳа, бугун ҳаддан зиёд кўп сариқ карточка ишлаб олдик. Лекин буни муҳокама қилмоқчи эмасман. Чунки мени мураббий сифатида жамоам кўрсатаётган ўйин қизиқтиради. Бироқ спортчиларга хос бўлмаган хулқу учун карточка ишлаб олган футболчилар албатта жазоланадилар, - дейди Сергей Иванович.
Манба: fcbunyodkor.com
Киритилди: 22:35, 12.03.2015. Ўқилди: 4337 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар