Саҳифа ҳар 1 дақиқада автоматик янгиланади.
Осиё чемпионлар лигаси. «А» гуруҳи
| 90+4' |
 |
Ўйин якунланди. "Локомотив" ОЧЛ-2017ни мағлубият билан бошлади |
| 90+3' |
 |
Эҳҳ, Машарипов! Олис масофадан етказилган узатмани яқин масофадан дарвозага бура олмади |
| 90+2' |
 |
Мезбонлар ҳимоячиси ўзини жароҳат олганга солиб ётибди |
| 90' |
|
Вууууҳ! Қарши ҳужумда саудияликлар ажойиб имкониятдан фойдалана олишмади. Н'Дийенинг зарбаси бироз ноаниқ бўлди |
| 87' |
 |
"Локомотив"да учинчи ўзгариш: Темур Кападзе ўрнига Саламат Қуттибоев тушди |
| 85' |
 |
Мадаллаҳ ал-Оян огоҳлантирилди |
| 83' |
 |
Рақиб жарима майдончасига етказилган узатмага Капазе етиб бора олмади |
| 81' |
|
Жаримадан етказилган узатмани ҳимоячилар қайтаришди |
| 80' |
|
Талал ал-Абсий огоҳлантирилди. У ўзидан ўтиб, дарвозабон билан яккама-якка чиқиши мумкин бўлган Машариповни қўли билан йиқитди |
| 77' |
|
Жаримадан берилган зарба хавфли бўлди. Нестеров мушт билан тўпни қайтарди |
| 76' |
|
Муҳаммад Коне сариқ карточка олди |
| 68' |
 |
ГООЛ! Талал ал-Абсий, 1:0! Бурчакдан етказилган узатмага чиқишда Нестеров қўпол хатога йўл қўйди. Абсий эса бўш қолган дарвозани ишғол қилди |
| 67' |
|
"Локомотив"да ўзгариш: Садриддин Абдуллаев ўрнига Қувондиқ Рўзиев туширилди |
| 66' |
|
Меҳмонлар тўпни яхши назорат қилишмоқда, аммо ҳозирча кескинроқ ҳужум ташкил қила олишмаяпти |
| 62' |
 |
Майдон эгалари бурчак тўпини ўйинга киритишди. Ҳужумчи бош билан зарба беришга ҳаракат қилди, аммо тўп бироз ета олмади |
| 60' |
 |
Бикмаев ўнг қанотдан узатма берди. Мирзаев бош билан зарба берди, аммо ҳакам Сардорни фол қилган деб ҳисоблади |
| 59' |
|
Мирзаев яхши ҳаракат қилдию, аммо жарима майдончасида очилаётган Бикмаев аниқ узатма бера олмади |
| 58' |
|
"Таъвун" бурчак тўпини ўйинга киритди. Нестеров мушт билан тўпни уриб юборди |
| 57' |
|
"Локомотив"да ўзгариш: Олег Зотеев ўрнига Марат Бикмаев тушди. |
| 55' |
|
Муҳаммадиев ўнг қанотдан яхши узатма берди. Ҳимоячилар хавфни бартараф этишди |
| 52' |
 |
ВУУУУУҲ! Коне жарима майдончаси яқинида тўпни рақибларга олдириб қўйди. Натижада бурайдаликлар гол уришларига бир бахя қолди. Барака жарима майдончаси ичида тўпни қабул қилди ва зарба берди. Тўп устунга тегиб қайтди. Такрорий зарба пайтида тўп футболчининг оёғига яхши тегмай қолди |
| 49' |
 |
Н'Дийе жамоамиз жарима майдончаси чизиғи устида тўпни кўкраги билан қабул қилди ва ўгирилганча зарба берди. Муваффақиятсиз зарба |
| 47' |
|
"Локомотив" жарима майдончаси ичида Н'Дийе ва Коне тўқнашиб кетишди. Мезбонлар бурчак тўпини ўйинга киритишади |
| 47' |
|
Майдон эгалари жарима тўпини ўйинга киритишди. Кападзе бош билан қайтарди |
| 46' |
|
Иккинчи бўлим бошланди |
| 45' |
|
Аҳмад ал-Кафнинг ҳуштаги янгради ва биринчи бўлим якунланди. Ҳозирча ҳисоб — 0:0 |
| 44' |
|
Вууууҳ! Муҳаммад Коне жуда қалтис ҳаракат қилди. Бахтимизга вазият гол билан якунланмади |
| 42' |
|
Вууууҳ! Нестеров қўпол хатога йўл қўйди. У ҳимоячидан тўпни қабул қилди, аммо ўз вақтида тепиб юбормади. Ҳужумчининг босими остига теган тўпни бошқа футболчи жарима майдончаси ташқарисида эгаллаб олди ва дарвоза томон зарба берди. Игнатий тўпни эгаллаб олди! |
| 40' |
 |
"Локомотив" тўпни анча назорат қилди ва жарима майдончасига узатма берди. Мирзаев бироз офсайдда қолган экан |
| 38' |
|
Машарипов чап томондан рақиб жарима майдончасига узатма берди, ҳимоячи тўпни қайтарди |
| 36' |
|
"Локомотив" яхши комбинацияни амалга оширди. Жарима майдончасига етказилган узатмани Ал-Ғамдий эгаллаб олди |
| 36' |
|
Мезбонлар бурчак тўпини ўйинга киритишди, бу "Локо"га муаммо яратмади |
| 35' |
|
Ўнг қанотдан жарима майдончасига етказилган узатмани Тўхтахўжаев бош билан қайтарди |
| 31' |
|
Чап қанотда белгиланган жарима тўпини Садриддин Абдуллаев ўйинга киритди. Ал-Ғамдий тўпни қўлидан чиқариб юборди, аммо ҳакам негадир фол қайд этиб, ўйинни тўхтатди |
| 30' |
|
"Локо" дарвозаси олдига узатма берилди. Нестеров тўпни эгаллаб олди |
| 29' |
|
"Ат-Таъвун" футболчиси офсайдда қолди |
| 27' |
|
Хавфли вазият! Н'Дийе ўнг томондан жарима майдончасига кириб келди ва чап оёқда кучли зарба берди. Тўп дарвоза устидан ўтиб кетди |
| 26' |
|
Тўп у жамоадан бу жамоага ўтмоқда, аммо ҳозирча хавфли вазият йўқ |
| 20' |
|
Тўп назорати тошкентликлар томонига ўтди десак ҳам бўлади. Улар "Таъвун"ни тўпсиз югуришга мажбур қилишмоқда |
| 17' |
|
Муҳаммадиев ўнг қанотда чиройли ортда қолдирди ва жарима майдончасига узатма берди. Ҳимоячи бош билан тўпни қайтарди |
| 16' |
|
"Локомотив" дастлабки бурчак зарбасини ўйинга киритди. Абдуллаев ерлатиб жарима майдончасидаги Машариповга узатма берди. Жалолиддин бир футболчини яхши алдаб ўтдию, аммо шерикларига аниқ узатма бера олмади |
| 11' |
|
Махарадзе майдон марказида тактик фол ишлатиб, рақибнинг қарши ҳужумини тўхтатди. Ҳакам уни оғзаки огоҳлантириш билан чекланди |
| 8' |
|
"Локомотив" ижросида рақиб дарвозаси томон дастлабки зарба берилди. Мирзаев чап қанотдан ташлаб берилган узатмага Абдуллаев жарима майдончаси чизиғи устидан зарба берди. Ноаниқ |
| 5' |
|
Вуҳ! Саудиялик футболчи чап томондан жарима майдончасига кириб келди ва дарвозабон майдончасига узатма берди. Нестеров оёғи билан тўпни қайтарди, сўнгра Махарадзе бош билан тўпни дарвозабонга ташлаб берди |
| 5' |
|
Мезбонлар кетма-кет ҳужум қилишмоқда. "Локомотив" футболчилари тўпни ўзларида ушлай олишмаяпти |
| 3' |
 |
Вуууууҳ! "Ат-Таъвун футболчиси жарима майдончаси ташқарисидан зарба берди. Нестеров қайтарган тўпни ҳужумчи дарвозага жойлади. Бахтимизга, офсайд туфайли гол инобатга олинмади! |
| 2' |
|
Бурайдаликларнинг ҳужумини темирйўлчилар бартараф этишди |
| 1' |
|
Ўйин бошланди. Тўпни Жалолиддин Машарипов ўйинга киритиб берди. |
| ' |
|
Диққат, жамоалар майдонга чиқиб келишди! |
| ' |
|
Тошкентнинг "Локомотив" клуби мусобақани Саудия Арабистонида бошламоқда. Темирйўлчилар "Ат-Таъвун" клубига қарши майдонга чиқади |
| ' |
|
Ассалому алайкум, қадрли футбол мухлислари. Осиё чемпионлар лигаси гуруҳ босқичининг янги мавсумига старт берилаётгани билан барчани табриклаймиз |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
