Саҳифа ҳар 1 дақиқада автоматик янгиланади.
| ' |
 |
Ҳар иккала жамоа ҳисобидаги очколар сони 7тага етди |
| 90+4' |
 |
"Реал" сўнгги сонияларда қийинчилик билан ҳимояланди. Ўйин якунланди. "ПСЖ" - "Реал" - 0:0. |
| 90+3' |
|
Вуҳ, "ПСЖ"да яхши имконият бўлди, улар фойдалана олишмади |
| 90+2' |
 |
Иккинчи бўлимга қўшиб берилган 3 дақиқанинг иккинчиси ўтиб бормоқда |
| 90+1' |
|
Вуҳ! Майдон марказида тўп учун курашда "Париж" устун келди ва Пасторе олдинга бошланди. Навас олдинга чиқди ва тўпни тепиб юборди |
| 90' |
|
Мухлислардан бири майдонга югуриб тушиб кетди ва у Роналдуни қучоқламоқчи бўлди. Стадион ходимлари уни майдондан олиб чиқиб кетишди |
| 89' |
 |
Черишев жарима майдончаси бурчагидан ноаниқ зарба йўллади |
| 87' |
 |
Энди Серж Орье ҳужумда фол ишлатгани учун огоҳлантирилди |
| 85' |
|
Бурчак тўпидан кейин "ПСЖ" футболчилари Черишевдан тўпни олиб қўйиб, қарши ҳужумга ўтишаётганида Денис тактик фол ишлатди. Сариқ карточка |
| 85' |
 |
Крооснинг узатмасини Тиаго Силва бош билан майдон ташқарисига чиқариб юборди |
| 84' |
 |
Орье ҳимоянинг ўнг қанотида Роналдуга нисбатан фол ишлатди. |
| 82' |
 |
Французлар қисқа паслар орқали яхши ҳужум ташкил қилишди. Ибра офсайдда қолиб кетди |
| 79' |
 |
"ПСЖ"да ўзгариш: Верратти ўрнига Лавесси тушди |
| 77' |
|
Лукас Васкес сариқ карточка олди |
| 76' |
|
"Реал"да ўзгариш бўлди. Хесе ўрнига Денис Черишев туширилди |
| 75' |
 |
Матюйдининг чапдан узатмасини Лукас Моура бош билан дарвозага буришга ҳаракат қилди. Тўп юқоридан ўтиб кетди |
| 72' |
|
Вуууууҳ, Роналдуууууу! "ПСЖ" бурчак тўпини ўйинга киритган пайтда "Реал" қарши ҳужумга ўтиб кетди. Модрич-Хесе-Марсело орқали тўп Криштиануга келиб тушди. Роналду жарима майдончаси бурчагидан бирга бир вазиятда зарба йўллади. Тўп олис устун ёнидан ўтиб кетди... |
| 71' |
|
Вуууҳ! Матюйди ва Пасторе чиройли узатмалар орқали "Реал" мудофаасини ёриб ўтишди. Аммо Хавьер офсайдда қолган экан |
| 68' |
|
"Реал"да ҳам ўзгариш бўлди. Иско ўрнига Лука Модрич туширилди |
| 66' |
|
"ПСЖ"да иккита ўзгариш бўлди. Кавани ўрнига Лукас Моура, Ди Мария ўрнига Хавьер Пасторе майдонга тушди |
| 65' |
|
Вуууҳ! Ди Мария ўнгдан марказ бўйлаб сурилди ва зарба йўллади. Тўп рекшоет ҳолатида ўз йўналишини ўзгартирди. Бироқ Навас тўпни эгаллашга муваффақ бўлди |
| 63' |
|
Чап қанотдан ҳаводан етказилган узатмага Иброҳимович дарвозабон майдончаси чизиғи устида бош билан зарба берди. Тўп дарвоза устидан ўтиб кетди, шу билан биргаликда Златан Рамосга нисбатан ўйин қоидасини бузган деб топилди |
| 61' |
|
Жарима зарбасини Ибра йўллади. Тўп жонли деворга тегиб қайтди |
| 60' |
|
Верратти мадридликларнинг 3 ҳимоячисидан ўтиб кетаётганида Рамос фол эвазига уни тўхтатди. "Реал" сардорига огоҳлантириш берилди |
| 59' |
|
Парижликлар айни дақиқаларда рақиб дарвозаси томон босим уюштиришмоқда. Аммо ҳозирча вазият зарбагача етиб бормаяпти |
| 56' |
|
"Реал" ўз жарима майдончаси яқинида тўпни мезбонларга олдириб қўйди. Кавани шерикларини тўп билан таъминлай олмади. Вазият йўққа чиқди |
| 55' |
|
Роналду жарима майдончасига кирди, аммо зарба беришга улгурмади. У ўнг қанотдан жарима майдончасига етиб келган Васкесни тўп билан таъминлади. Рафаэлнинг зарбаси йўлига ҳимоячи ғов бўлди. Бурчак тўпи |
| 53' |
|
Орье чап қанотдан ҳаволатиб тўпни жарима майдончасига етказди. Тўп қайтарилди. Такрорий ҳужум пайтида Иброҳимович тўпни Орье томон узатаётганида Марсело эгаллаб олди |
| 52' |
|
Бурчак тўпи хавфли бўлмади. Иско аниқ узатма бера олмади |
| 51' |
|
Вуууҳ! Роналдунинг жаримадан йўллаган зарбасидан сўнг тўп жонли девордаги футболчилардан бирининг бошига тегиб, устун ёнидан ўтиб кетди. |
| 50' |
|
Верратти жарима майдончаси ташқарисида Роналдунинг оёғига хавфли ташланди ва уни йиқитди. "сариқ" |
| 49' |
|
Уҳ, хавфли вазият! Мотта чап қанотдан узатма берди. Кавани дарвозагача 7-8 метрлардан тўпни дарвоза томон бурди. Аммо тўп устун ёнидан ўтиб кетди |
| 46' |
|
Иккинчи бўлим бошланди. Давом этамиз. |
| ' |
|
Биринчи бўлим статистикаси: тўп назорати - 52%:48%, зарбалар - 3:10, аниқ зарбалар - 1:4, бурчак тўплари - 3:4. |
| 45' |
|
Риццоли биринчи бўлимга компенсация вақти белгиламади. Танаффус. Ҳозирча - 0:0. |
| 43' |
|
Чап қанотдан жарима майдончасида очилаётган Криштиану томон узатма берилди. Трапп олдинга чиқди ҳамда тўпни эгаллаб олди |
| 40' |
|
Вуууҳ! "Реал" ҳисобни очишга жуда яқин келди. Марсело дарвозабон майдончасига пас берди. Роналду тўпни дарвоза томон буришга ҳаракат қилди. Тўп дарвоза олдида турган Каземирога борди. Ярим ҳимоячи зарба бериш ўрнига пас беришга қарор қилди. Ҳимоячи тўпни тепиб юборди. Биргина аниқ зарба ҳисобнинг очилишига олиб келарди... |
| 39' |
|
Иско Хеседан узатмани қабул қилди ва 14 метрлардан зарба берди. Тўп рекошет ҳолатида дарвоза устуни ёнидан ўтиб кетди! |
| 38' |
|
Олис масофадан берилган узатма пайтида Ди Мария офсайдда қолди. У бирга бир вазиятга югуришни бошлаганди |
| 36' |
|
Бурчакдан етказилган узатмага Криштиану бош билан зарба берди. Тўп дарвозабоннинг қўлига тегиб, юқоридан ўтиб кетди |
| 35' |
|
Марселонинг навбатдаги узатмасидан кейин Роналду бош билан зарба берди. Ерга урилиб борган тўпни Трапп қайтарди, аммо тўпни майдонда олиб қола олмади |
| 33' |
|
Марсело чиройли финт орқали Искога узатма берди ва ўзи жарима майдончаси бурчагида тўпни қабул қилиб, дарвоза олдига ҳаводан узатма берди. Тўпни Силва бош билан қайтарди |
| 29' |
|
Данило ҳужумга қўшилди ҳамда чап қанотдан марказ бўйлаб юриш қилди. Жарима майдончаси ичида очилаётган Роналдуга пас бераётганида Тиаго Силва тўпни эгаллаб олди |
| 28' |
|
Иброҳимович Ди Мариядан узатмани қабул қилиб, жарима майдончасига кирди, аммо ҳимоячиларга тўпни олдириб қўйди |
| 26' |
|
Вуууууҳ! Кроос нозик пас билан Хесени бирга бир вазиятга чиқарди. Ҳужумчининг зарбасини Кевин Трапп оёғи билан қайтарди! |
| 25' |
|
Ди Мария чап қанотдан дарвоза яқинга ҳаводан узатма берди. Навас тўпни эгаллаб олди. Осонлик билан |
| 24' |
|
Орье чап қанотдан жарима майдончасига ердан узатма берди. Варан тўпни қайтарди |
| 22' |
|
Кураш майдон марказида. ҲЕч бир жамоа хавфли вазият ярата олаётганича йўқ |
| 18' |
|
"ПСЖ" кўпроқ тўпни назорат қилишга ҳаракат қилмоқда. "Мадрид" эса дарҳол ҳужум вариантларини изламоқда. Шу боис тўпни тез йўқотмоқда |
| 16' |
|
Ди Мария ўнг қанотдан олдинга ўтаётган Орьени олдинга бошлади. Амо Серж бироз тезроқ югуриб, офсайд зонасига кириб қолганди |
| 14' |
|
Майдон эгалари жарима тўпини ўйинга киритишди. Тиаго Силва бош билан зарба йўллади. Тўп тўсин устидан ўтиб кетди |
| 11' |
|
Вуууҳ! Матюйди шундоққина жарима майдончаси чизиғи олдида ерлатиб аниқ зарба берди. Кейлор тўпни ишонч билан эгаллаб олди! |
| 10' |
|
Роналдунинг зарбаси жонли деворга тегиб қайтди |
| 9' |
|
Матюйди тўпни йўқотди ва Каземирони қўли билан тортиб йиқитишга мажбур бўлди. Сариқ карточка |
| 8' |
|
Иброҳимович жарима майдончаси ичида офсайдда қолди деб топилди |
| 7' |
|
Парижликлар кетма-кет 3 марта тўпни бурчакдан ўйинга киритишди. Хавфли вазият йўқ, аммо улар бу орқали ташаббусни ўз томонларига оғдиришга ишора қилишгандек |
| 6' |
|
"ПСЖ" ва "Реал" иккита турдан кейин 6 очко жамғариб туришибди. 3 ва 4-турда бўладиган ўйинлар бевосита гуруҳ ғолиблиги учун кечади. |
| 3' |
|
"Реал" иккита ҳужум ташкил қилди. Қисқа паслар орқали жарима майдончасига кирилганидан кейин Роналду томон узатма берилди. Бироқ тўп Криштианудан ўтиб кетди. Ҳимоячи тўпни ён томонга тепиб юборди. Кейин ҳужум пайтида Марсело олис масофадан чап оёқда зарба йўллади. Тўп дарвоза ёнидан ўтиб кетди |
| 2' |
|
Роналду майдон марказида тўпни товони билан жамоадошига етказиб, ўзи олдинга ўтаётганида, тўпни мезбонлар эгаллаб олишди. Криштиану ҳамиша ҳамма нарсага тайёр! Ҳақиқий профессионал |
| 1' |
|
Бошладик! Тўпни ўйинга Роналду ва Иско киритиб беришди! |
| ' |
|
Диққат, жамоалар майдонга чиқиб келишмоқда. Чемпионлар лигаси мадҳияси янграйди |
| ' |
|
"ПСЖ" тўқ кўк, "Реал" эса оқ рангли формада майдонга тушмоқда |
| ' |
|
Стадион мухлислар билан тўлиб тошган. Ишқибозлар ажойиб футбол спектаклидан баҳраманд бўлишга тайёр бўлиб туришибди. Футболчилар майдонга чиқиш йўлакчасида олдида йиғилишмоқда |
| ' |
|
Париж! "Парк де Пренс" стадиони. Бугун Stadion.uz орқали мана шу шаҳар ва стадион билан боғлаанамиз. Франция пойтахтидаги аренада "ПСЖ" ЕЧЛ доирасида "Реал"ни қабул қилмоқда! |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
