Корея афсонаси Ли Йонг Пё фикрича, руҳиятнинг ўзгариши бу ой Австралияда бўлиб ўтадиган Осиё Кубогида мамлакат миллий терма жамоасининг Бразиялияда июнь ойида бўлиб ўтган Жаҳон чемпионатидаги муваффақиятсизликни унутишга ёрдам беради.
Кореяликлар ўтган йилги жаҳон чемпионатининг финал босқичида кураш олиб боришди ва гуруҳ баҳслари якунига кўра иштирокларини якунлашди, аммо “Таегук жангчилари” 10 январда Австралия-2015даги Уммонга қарши биринчи учрашувига тайёргарлик кўраётган бир пайтда Ли аминки, бу мусоқадан етарлича хулоса чиқарилди.
“Охирги Жаҳон чемпионатида бутун мамлакатнинг ҳафсаласи пир бўлган эди,” дейди халқаро учрашувларда Корея таркибида 127 марта майдонга тушган ва Кореянинг KBS телекомпаниясида таҳлилчи бўлиб ишлаётган Ли. “Аммо, барча Корея футболини олдинги кучини қайтариш ҳақида ўйлаяпти. Барча Осиё Кубогига эътиборини қаратган, чунки миллий терма жамоамизнинг кайфияти ўзгарган.
Фикримча, жамоадаги ҳар бир ўйинчида керакли руҳият мужассам ва ўйлайманки, охирги Жаҳон чемпионатига қараганда биз яхшироқ формада эканлигимизни кўрсата оламиз”.
Жаҳон чемпионатидан сўнг лавозимидан кетган Хонг Мюнг Бодан кейин Германиялик мураббийи Ули Штилике сентябрда бош мураббий вазифасини қабул қилиб олди ва собиқ Реал Мадрид яримҳимоячиси жамоа ичидаги ёндашишни ўзгартирмоқчи.
"У ўйинчиларнинг руҳиятини ўзгартиришга ҳаракат қилади, чунки баъзи ўйинчилар майдонда ўзига ишончи етарли эмас” - дейди Ли. “У ўйинчилардан кучлироқ бўлишни ва ўзига ишончини оширишни сўради, ва агар биз буни амалга оширсак, у ҳолда биз олдиндагига қараганда анчайин кучлироқ ўйин намойиш қилишимиз мумкин.
Бироқ, бунга бир неча ойдан кўпроқ вақт кетади, бизга бир йилдан кўпроқ вақт керак. Аминманки, йилнинг охирида биз бошқачароқ ўйин кўрсата оламиз.”
Ли кореяликлар 2011 йилнинг финал босқичида учинчи ўринни эгаллаганларидан сўнг кўп ўтмай халқаро футболдан кетди, бу натижа терма жамоанинг Осиё Кубоги ғолиблигига бўлган чанқоқлигини чўздирди.
Корея охирги марта қитъа биринчилигида 1960 йилда ғолиб бўлди. Бу кетма-кет ғалабаларнинг иккинчи бўлган. Собиқ “Тоттенхем Хотспур” марказий ҳимоячиси бу ойда Австралияда ушбу анъана узилишига имони комил эмас.
“Ўйлайманки, 2011 йил Қатардаги Осиё Кубогида жамоамиз фантастик эди”, - дейди у. “Ўйинчиларнинг индивидуал маҳорати 2011 йилдагига қараганда кучлироқ дея олмайман, лекин улар барибир кучли. Биз ярим финалга чиқа оламиз, аммо ундан уёғига ўта оламизми, билмадим.
Қатарда биз олтита ўйинда майдонга чиқдик, тўрттасида ғалаба қозондик ҳамда Япония ва Австралияга қарши икки ўйинда дуранг ўйнадик. Аммо, биз ярим финалда пенальтилар сериясида мағлуб бўлдик. Жуда ачинарли, чунки биз Корея тарихидаги энг кучли жамоалардан бири эдик.
Сўнгги 55 йил давомида нега Осиё Кубогида ғолиб чиқмаганлигимизнинг аниқ сабабини билмайман ва ўйлайманки, бу жуда узоқ муддат, лекин шунга ишонаманки, биз янги тарихни яратиб, яқин орада Осиё чемпионлари бўла оламиз”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
