Якунланаётган йил Ла Лига учун ўта муваффақиятли келди. Аслида бундай ҳолга охирги йилларда ўрганиб ҳам қолдик. Шундай бўлсада, келинг, Ла Лига вакилларининг 2016 йилги зафарли онларини хронологик тартибда бир эслаб кўрайлик.
Январ – "Олтин тўп"
2015 йил учун "Олтин тўп"ни Лионель Месси («Барселона») қўлга киритди. Иккинчи ва учинчи ўринларга Криштиану Роналду («Реал Мадрид») ва Неймар («Барселона») лойиқ кўрилди. Нуфузли соврин учун даъвогарлик қилган ҳар учала футболчи ҳам испан жамоалари шарафини ҳимоя қилади.
15 май – Примеранинг сўнгги тури
Май ойининг якшанба оқшомида Испания чемпионати 2015/2016 йилги мавсумига якун ясалди. Турнир ғолиблигини каталониянинг «Барселона» клуби қўлга киритди.
18 май – Европа Лигаси финали
Швейцариянинг Базел шаҳридаги «Сэнт Якуб Парк» стадионида испанларнинг «Севилья»си ва инглизларнинг «Ливерпуль»и Европа Лигаси финалида баҳс олиб борди. Андалусияликлар рақибини 3:1 ҳисобида мағлуб этди. «Севилья» учун бу Европа Лигасидаги кетма-кет учинчи ғалаба бўлди.
Миландаги «Сан Сиро» стадионида кечган Чемпионлар лигаси финалида испанларнинг икки жамоаси – «Реал Мадрид» ва «Атлетико» учрашди. Асосий вақт 1:1 ҳисобида якун топди ва пенальтилар сериясида «Реал Мадрид»нинг қўли баланд келди. Шундай қилиб, "Қироллик клуби" ЕЧЛда 11-бор зафар қучди.
21 июл – Ла Лига ва Сантандер банки ўртасидаги шартнома
2016йилнинг ёзи ўрталарида Ла Лига ва Сантандер банки ўртасида шартнома имзолангани ҳақидаги хабар тарқатилди. Ушбу келишувга кўра Испания чемпионатининг биринчи ва иккинчи дивизиони Лига Сантандер ва Лига 1|2|3 қилиб ўзгартирилди.
Икки учрашув натижасига кўра «Барселона» «Севилья»ни умумий 5:0 ҳисобида мағлуб этди ва Испания Суперкубоги соҳиби бўлди.
18 октябр – Тебас Ла Лига президентлигида қолди
Хавьер Тебаснинг ягона рақиби Алекс Арансабаль Ла Лига президентлиги учун сайловга бир ҳафта қолганда ўз номзодини қайтариб олди ва Тебас Ла Лигани яна тўрт йил бошқариши олдиндан ойдинлашди.
24 октябр – Ла Лиганинг расмий тақдирлаш маросими
Валенсияда ўтган мавсум якунига кўра футболчилар ва мураббийларни тақдирлаш маросими ўтказилди.
12 декабр – Олтин тўп
2016 йил учун "Олтин тўп"ни бу сафар Криштиану Роналду («Реал Мадрид») қўлга киритди. Лионель Месси («Барселона») ва Антуан Гризманн («Атлетико») кейинги поғоналарни банд этди. Ва яна энг нуфузли шахсий соврин учун асосий даъвогарлар испан жамоалари вакиллари бўлди!
18 декабр – «Реал Мадрид» Клублар ўртасидаги ЖЧда ғолиб бўлди
Мадриднинг «Реал» клуби финал баҳсида қўшимча таймларда японларнинг «Кашима»сини мағлуб этиб, Клублар ўртасидаги Жаҳон чемпионатида ғолиб бўлди.
Ла Лига жамоалари шундай ютуқлар билан янги - 2017 йилга қадам ташламоқда. Клублар миқёсида ва шахсий совринлар борасида Испания чемпионати вакиллари учун бундан ортиқ натижаларни тасаввур қилиш қийин: Ла Лига вакиллари бошқа чемпионатлар вакилларини яқинлаштирмай, барча ютуқ ва совринларни ўзлариники қилиб олишди.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Лутфулло Турсунов
