30-май куни Янги Зеландияда ёшлар ўртасида жаҳон чемпионатига старт берилади. Ўзбекистон ёшлар терма жамоаси Германия, Гондурас ҳамда Фиджи терма жамоалари билан бирга мусобақанинг «F» гуруҳидан ўрин олганидан хабарингиз бор, албатта. Равшан Ҳайдаров жамоаси гуруҳ босқичидаги дастлабки икки ўйинини Крайстчерч шаҳрида ўтказади. Сўнгги тур ўйини эса Фангареи шаҳрида бўлиб ўтади.
1 июнь (душанба). 1-тур. Крайстчерч. (Тошкент вақти билан 09:00)
Ўзбекистон - Гондурас
Германия - Фиджи
4 июнь (пайшанба). 2-тур. Крайстчерч. (Тошкент вақти билан соат 09:00)
Германия - Ўзбекистон
Фиджи - Гондурас
7 июнь (якшанба). 3-тур. Фангареи (Тошкент вақти билан 07:00)
Ўзбекистон - Фиджи.
Гондурас - Германия
Миллий терма жамоамиз ОК-2015да биз мухлислар кутган ижобий натижага эришмаганидан сўнг энди бор умидимиз Янги Зеландияда ўтадиган ёшлар ўртасидаги жаҳон чемпионатида иштирок этадиган Ўзбекистон ёшлар термасига қаратилган десак муболаға бўлмайди. Чунки ёшларимизнинг жаҳон чемпионатига тайёргарлик куриш мақсадида ўтказган ўртоқлик учрашувларида шунга амин бўлдим-ки, уларнинг кўрсатаётган натижаси ҳозирча биз мухлисларни хурсанд қилиб, кўнгилларимизга умид учқунини қайтармоқда.
Кичик мундиалда ҳам шундай ўйнашда давом этинглар укаларим, токи охирги кучингизгача майдоннинг ҳар бир қаричи учун Ватан манфаати йўлида курашинглар. Сизлар кўрсатадиган натижалар туфайли биз мухлисларнинг ҳам кайфияти аъло даражада кўтарилсин, бироз бўлсада кўнгилларимиз таскин топсин. Сизлар нафақат Осиёда, балки Жаҳонда ҳам ўз ўрнингизга эга ажойиб жамоасизлар. Барчангиз футболдаги «энг яхши ҳимоя – ҳужум» иборасига амал қилган ҳолда тўп сўринглар. Дарҳақиқат, ҳужум қилмасанг гол қайда! Гол урмасанг ютуқ ўз-ўзидан келиб чиқмайди, албатта.
Тўғри, бу ёш тоифадаги футболчилардан ўта ҳужумкор ўйин талаб қилиш ноўриндир, балким. Лекин, яратилган имкониятлардан оқилона фойдаланиб, рақибга босим ўтказиш талаб этилади. Шундагина бирон-бир ижобий натижага эришсак бўлади деб уйлайман. Минимал ҳисобда бўлсаям ғалаба қозонсак дейман, гуруҳ ўйинларида муҳими уч очко олишимиз ва кейинги босқичга чиқиш даркордир. Ҳар бир тур ўтган сайин ўйинчиларимизга босим ошиб бораверади ва ўз ўзидан биринчи галда дарвозамиздан гол ўтказиб юбормаслик талаб этилади.
Хуллас, азиз укажонлар сиз кўрсатадиган натижалар туфайли биз мухлисларнинг ҳам кайфияти аъло даражада бўлишини истаймиз. Биз ўзбекистонлик мухлислар сизларни чин юракдан қўллаб-қувватлаш бориш бурчимиз деб биламиз.
Биз ёшларга ишонамиз.
Абдумажид Қодиров
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
