Испания Ла Лигасининг ушбу мавсумида “Барселона” билан чемпионликни тантана қилган Лионель Месси чемпионатда 43 та гол уриб, иккинчи тўпурарга айланди. Биз Леонинг чемпионатдаги “хет-трик”лари ҳақида тўхталиб ўтмоқчимиз.
1. “Барселона” – “Севилья” 5:1 (21,72,78) 22.11.2014
Месси чемпионатдаги дастлабки “хет-трик”ини 12-турга келиб нишонлади. “Севилья”га қарши кечган беллашувда аргентиналик ҳужумчи 21 дақиқада дастлабки голини урган бўлса, иккинчи таймда 72 ва 78 дақиқаларда ҳам ўз номини таблога ёздириб қўйди.
2. “Барселона” – “Эспанол” 5:1 (45,50,81) 07.12.2014
Орадан 2 тур ўтгач Каталония дербисида Лео яна ўз номини 3 марта таблога ёздириб қўйишга муваффақ бўлди. Энг қизиғи “Барса” бу сафар ҳам 5:1 ҳисобида ғалаба қозонган эди. Месси биринчи таймнинг охирида дастлабки голини урган бўлса, 50 дақиқада”дубл”ини нишонлади. Ўйин тугашига 9 дақиқа қолганида эса учинчи бор “Эспаньол” дарвозабонини хафа қилди.
3. “Депортиво” – “Барселона” 0:4 (10,33,62) 18.01.2015
Ла лиганинг биринчи давраси охирги турида “Барселона” “Депортиво” меҳмони бўлиб йирик ғалабани қўлга киритди. Учрашув қаҳрамони табиийки Месси бўлди. Каталонияликларнинг 10 рақамли ҳужумчиси биринчи таймда икки ва иккинчи бўлимда бир марта дарвозани аниқ “нишон”га олди.
4. “Барселона” – “Леванте” 5:0 (38,59,65 пен) 15.02.2015
Месси Ла Лиганинг 23-турида “Камп Ноу”да яна бир бор 3 та гол уриб мухлисларни хушнуд қилди. Лео 38 дақиқада илк голини урган бўлса, 59 дақиқада иккинчи бор катта саҳнага чиқди. Орадан 6 дақиқа ўтгач эса 11 метрлик жарима зарбасидан унумли фойдаланиб жамоасининг энг севимли бўлган ҳисобини таъминлади.
5. “Барселона” – “Райо Валекано” 6:1 (56 пен, 63,68) 08.03.2015
Месси 26-турда мавсумдаги 5-“хет-трик”ини нишонлади. “Райо”га қарши ўйиннинг биринчи тайми тинч ўтган эди. Бироқ иккинчи бўлимда Каталонияликларни айниқса Мессини тўхтатиб қолишнинг иложи топилмади. Лео атиги 12 дақиқа ичида меҳмонлар посбонини 3 марта ранжитишга муваффақ бўлди.
Қизиқарли фактлар
1. Месси чемпионатдаги 5 та “хет-трик”ининг 4 тасини “Камп Ноу”да нишонлаган.
2. “Хет-трик” қилган 5 ўйинда киритган 15 та голининг 5 таси биринчи, 10 таси эса иккинчи таймларда урилган.
3. “Хет-трик”ка эришган 5 та учрашувининг 2 тасида урган голларининг биттасини пенальтидан киритган.
4. Месси “хет-трик” қилган 5 та ўйинда “Барса” умумий ҳисобда 25 та гол урган.
5. Лео энг тез “хет-трик”ини “Райо Валекано”га урган.
Фурқат Юсупов тайёрлади
Мнаба: www.Furkat.uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
