Олий лиганинг 2-турида бўлиб ўтиши керак бўлган ўйин бугун ўтказилди. Ўз майдонида "Пахтакор"ни қабул қилган "Қўқон-1912" жамоаси кутилмаганда амалдаги чемпион ва пешқадамни мағлуб этишига бир баҳя қолди.
Ўйиннинг дастлабки дақиқаларидан Самвел Бабаян шогирдлари ташаббусни қўлга олишга ҳаракат қилишди ва 16-дақиқага келиб ҳисобни очишди. Игорь Сергеевнинг кучли зарбасини қўқонликлар посбони қайтара олмади. Орадан 2 дақиқа ўтиб эса Рустам Абдуллаев шогирдлари ҳисобни тенглаштиришди. Мамажоновнинг узатмасидан кейин Отақўзиев бош билан дарвозани ишғол қилди.
Иккинчи бўлимда ҳам мезбонлар "Пахтакор"га жиддий қаршилик кўрсатишда давом этишди. Ўйининг асосий вақти тугашига 7 дақиқа қолганида бош ҳакам Ильгиз Танташев тошкентликлар даврозасига пенальти белгилади. Баҳодир Акромов эса имкониятни қўлдан чиқармади. Учрашувга қўшиб берилган 6 дақиқанинг иккинчисида ҳакам жарима майдончаси ичида "Қўқон-1912" дарвозаси томон эркин зарба белгилади. Пахтакорчилар бундан унумли фойдаланишди ва Анвар Солиев ҳисобни тенглаштирди.
Ушбу дурангдан кейин "Пахтакор" ўзини таъқиб қилиб келаётган "Локомотив" билан орадаги фарқни 4 очкога етказиш имкониятидан маҳрум бўлди. Етакчилар орасидаги фарқ 2 очкони ташкил қилмоқда.
ОЛИЙ ЛИГА. 2-турнинг қолдирилган учрашуви
"ҚЎҚОН-1912" - "ПАХТАКОР" - 2:2 (1:1)
Голлар: Носир Отақўзиев (18), Баҳодир Акрамов (82-пен.) — Игорь Сергеев (16), Анвар Солиев (90+2)
"Қўқон-1912": 1.Руслан Матниёзов, 27.Шоҳрух Холматов, 24.Илья Ильин, 28.Алексей Николаев, 5.Жалил Кимсанов, 22.Ориф Мамажонов, 18.Сардор Эминов, 6.Баҳодир Акрамов, 10.Қувондиқ Рўзиев, 11.Носир Отақўзиев, 17.Азиз Тўхтабоев (C).
Захира: 12.Азиз Ашуров, 3.Ҳасанбой Эргашев, 4.Қаҳрамон Маҳамаджонов, 8.Нодирбек Қўзибоев, 11.Дониёр Усмонов, 15.Маъруф Зокиржонов, 23.Фурқат Ҳасанбоев.
"Пахтакор": 12. Александр Лобанов, 2.Егор Кримец, 4.Аднан Ораховац, 7.Кахи Махарадзе, 8.Шерзодбек Каримов, 11.Игор Сергеев, 15.Жавоҳир Соҳибов, 23.Александр Мерзляков, 24.Даврон Ҳошимов, 28.Станислав Андреев, 29.Владимир Козак.
Захира: 1.Никита Рибкин, 5.Акбар Исматуллаев, 6.Мурод Холмуҳаммедов, 9.Жалолиддин Машарипов, 20.Анвар Солиев, 34.Жавоҳир Сиддиқов, 35.Алишер Мирзаев.
Бош ҳакам: ильгиз Танташев (Бухоро)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
