Бугун 2015 йилнинг 20 июль санаси. Ушбу кунда футбол билан боғлиқ кўплаб муҳим воқеалар рўй берган.
1871 йил, 20 июль – ушбу кунда Англия футбол ассоциацияси котиби Чарльз Уильям Алкок биринчилардан бўлиб Англия Кубогини ўтказиш фикрини илгари суради. Турнир ўша йилдаёқ ташкиллаштирилади. Финалда Алкок сардорлигидаги “Уондерерс” “Ройал Энжинирс” жамоалари ўзаро тўқнаш келади.
“Ройал Энжинирс” ушбу қарама-қаршиликда яққол фаворит эди, аммо унинг ўйинчиларидан бири жароҳат олиб сафдан чиқади. Ўша вақтда ҳали ўйинчи алмаштириш қоидаси амалга жорий қилинмаган, шу сабабли “Уондерерс” бир футболчи кўп бўлиб майдонда ҳаракатланади ва якунда 1:0 ҳисобида зафар қучади.
2004 йил, 20 июль – шу куни “Челси” клубнинг 38 миллион евро эвазига ҳужумчи Дидье Дрогба билан шартнома имзолаганини эълон қилганди.
Ивуарлик футболчи ўзининг дебют мавсумидаёқ 10та гол уриб, бир зумда мухлисларнинг ёқимтойига айланади. Унинг фаоллиги ва самарадорлиги туфайли Моуриньо жамоаси 95 очко тўплаб, АПЛда тарихий ғалабани қўлга киритади.
Дрогба “аристократлар” сафида 381 та ўйинда майдонга тушиб, барча мусобақаларда 164 бор тўп киритган.
2007 йил, 20 июль – шу куни Франческо Тотти Италия терма жамоасидаги фаолиятини якунлаганини маълум қилади.
Тотти илк бор 1998 йилда терма жамоа сафига чақирилган, 2000 йили эса Италия терма жамоасининг Европа чемпионати финалига етиб боришида муносиб ҳисса қўшади.
Жароҳати сабаб ЖЧ-2006ни ўтказиб юборишига бир баҳя қолган Тотти ўшанда ўз термасидаги энг яхши ўйинчилардан бири бўлади ва ҳақли рақишда турнирнинг рамзий жамоасидан жой олганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).