Furkat.uz сайти айни пайтда ла Лигада тўп сураётган футболчилар орасида миллий чемпионатда энг кўп гол урган футболчилар ТОП-5 лиги билан сизни таништириб ўтади.
5. Карим Бензема (“Реал Мадрид”)
Франциялик ҳужумчи 2009-йилдан буён Мадридликлар шарафини ҳимоя қилиб келмоқда. У ортда қолган 6 мавсум давомида Ла Лигада 188 та ўйинда ўз ҳисобига 87 та гол ёздириб қўйишга муваффақ бўлди. Бензема 2011/12 йилги мавсумда “Галактикос” билан чемпионликни нишонлади. Карим ўша мавсумда 21 та гол урган эди ва бу кўрсаткич ҳужумчи учун шахсий рекорд бўлиб турибди. Агар у ушбу мавсумни кўнгилдагидек ўтказа олса 100 лик маррани забт этиши ҳеч гап эмас.
4. Алваро Негредо (“Валенсия”)
Негредо 2007-2009 йилларда “Алмерия” таркибида икки мавсумда 32 та гол уриб, грандлар эътиборига тушди. Натижада уни “Севилья” сотиб олди. Алваро Андалусияликлар таркибида 4 мавсум тўп суриб ла Лигада ўз ҳисобига 70 та гол ёздириб қўйди. Шундан сўнг у бир мавсумни “Манчестер Сити”да ўтказиб, кейинчалик “Валенсия”га қайтди. Бироқ “кўршапалаклар” таркибида унинг ишлари юришмади. Негредо ушбу жамоада 5 та гол урди холос. Испаниялик ҳужумчи Премьерода жами 239 ўйинда 107 та голга муаллифлик қилган.
3. Ариз Адуриз (“Атлетик”)
Сан Себастянда таваллуд топган футболчи 2002-йилдан буён “Атлетик”, “Валядолид”, “Мальорка”, “Валенсия” каби жамоалар шарафини ҳимоя қилди. Ҳужумчи 2012-йилда яна жонажон клуби “Атлетик”ка қайтди ва ҳозирда ушбу клуб таркибида тўп сурмоқда. Ариз Испания чемпионатидаги 11 мавсумида жами 111 та гол киритган. Бунинг учун у 312 та учрашувда иштирок этишига тўгъри келган. Ариз ўтган мавсумда 34 ёшга тўлди ва чемпионатда 18 та гол уриб, шахсий рекордини ўрнатди.
2. Криштиану Роналду (“Реал Мадрид”)
2009-йилда 94 миллион евро эвазига харид қилинган футболчи “Реал” тарихидаги энг омадли трансферга айланди. Криштиану 6 мавсум давомида роппа-роса 200 ўйин ўтказиб ўз ҳисобига 225 та гол ёздириб қўйди. Фантастик натижа! Португалиялик футболчи 2011 йилда – 40, 2014 йилда – 31 ва 2015 йилда – 48 та гол билан Ла Лига тўпурари бўлди ва “Олтин бутса”ни қўлга киритди. 2012 йилда эса “Қироллик клуби” билан Испания чемпиони бўлди. Роналду яна 4 та гол урса “Реал”нинг Испания чемпионатидаги, 11 та гол урса эса бутун тарихидаги энг сермаҳсул футболчисига айланади.
1. Лионель Месси (“Барселона”)
Лео 2004-йилдан буён Ла Лигада 315 учрашувда 286 та гол киритди ва у Испания чемпионати тарихидаги энг сермаҳсул футболчи бўлиб турибди. Месси 2010 йилда – 34, 2012 йилда – 50, 2013 йилда – 46 та гол билан чемпионат тўпурари бўлди ва уч марта “Олтин бутса”ни қўлга киритди. Шунингдек аргентиналик 7 марта Премьеро чемпионига айланди. Ушбу мавсумда Лео 300 лик маррани забт этишига ҳеч ким шубҳа қилмаса керак.
Фурқат Юсупов
Манба:Furkat.uz:
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
