Жаҳон чемпионати-2018 саралаш доирасида Ўзбекистон терма жамоаси сафарда Баҳрайн меҳмони бўлди ва йирик ҳисобда ғалаба қозонди.
Учрашувнинг биринчи бўлимида томонлар бир мартадан голли вазиятларни яратишди. Дастлаб Аҳмедовнинг узатмасидан кейин Жепаров жарима майдончаси ичида бирга-бир вазиятга чиқди ва зарба йўллади. Дарвозабон зарбани қайтарди. Бикмаевнинг такрорий зарбасидан кейин тўп олис устун ёнидан ўтиб кетди. Орадан бир дақиқа ўтиб Станислав Андреев ҳимояда қўпол хатога йўл қўйиши натижасида баҳрайнлик ҳужумчи яккама-якка вазиятга чиқиб кетди. Лобанов жамоадошининг хатосидан тўғирлаб, термани голдан қутқарди.
Иккинчи тайм бутунлай ҳамюртларимизнинг устунлиги остида кечди. 52-дақиқада тезкор комбинация натижасида Андреев чап қанотдан дарвоза яқинига узатма берди. Бикмаев тўпни Сергеевга қолдирди ва Игорь учрашувда ҳисобни очди. Орадан 4 дақиқа ўтгач яна Бикмаев голли узатмани амалга оширди. Тўп Oдил Аҳмедовнинг оёғига яхши тегмаган бўлса-да, вазият гол билан якунланди.
67-дақиқада вакилларимиз бурчак тўпидан ноодатий тарзда фойдаланиб учинчи голни уришди. Сардор Рашидовнинг узоқ бурчакка йўллаган зарбасини мезбонлар посбони қайтаришга ожизлик қилди.
Шундан сўнг мезбонлар тақдирга тан бериб бўлишди. Улар ўйин охирида умуман ўйнагиси келмай қолишди ва натижада тўртинчи маротаба жазоланишди. Жасур Ҳасановнинг ажойиб узатмасидан сўнг захирадан майдонга қўшилган Элдор Шомуродов дарвозани аниқ нишонга олиб учрашувга нуқта қўйди - 0:4!
Ушбу ғалабадан сўнг Ўзбекистон терма жамоаси 9 очко билан гуруҳда 2-ўринда бормоқда. Пешқадам КХДР ҳисобида эса 10 очко мавжуд.
ЖЧ-2018 саралаш босқичи, "Н" гуруҳи, 5-тур
БАҲРАЙН - ЎЗБЕКИСТОН - 0:4 (0:0)
Голлар: Игорь Сергеев (52), Одил Аҳмедов (56), Сардор Рашидов (66), Элдор Шомуродов (90+5)
Огоҳлантиришлар: Сайид Аҳмад (61), Абдулла Умар (71) — Егор Кримец (88)
Баҳрайн: 1.Сайид Муҳаммад, 4.Сайид Дия Шуббар, 8.Сайид Аҳмад, 9.Абдулваҳоб ал-Малуд, 13.Абдулла ал-Ҳазъа, 14.Абдулла Юсуф Ҳилол, 15.Абдулла Умар, 16.Сайид Муҳаммад Аднан, 17.Ҳусайн Баба Муҳаммад, 20.Сами ал-Ҳусаний, 23.Рашид ал-Ҳутий
Ўзбекистон: 21.Александр Лобанов, 20.Ислом Тўхтахўжаев, 5.Анзур Исмоилов, 2.Егор Кримец, 16.Станислав Андреев, 7.Азиз Ҳайдаров, 9.Одил Аҳмедов (Элдор Шомуродов 87), 8.Сервер Жепаров (Жасур Ҳасанов 85), 10.Сардор Рашидов, 15.Марат Бикмаев (Жавоҳир Соҳибов 73), 11.Игорь Сергеев
Бош ҳакам: Минори Тожи (Япония)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
