Ўз клубларининг тўпурар футболчилари: Герд Мюллердан Криштиану Роналдугача
Мадриднинг “Реал” клуби етакчиси Криштиану Роналду “қироллик клуби” тарихидаги жамоа сафида энг кўп тўп киритган футболчига айланиб олди.
Ла Лига 8-тур учрашувлари доирасида “Леванте”га қарши кечган ўйинда (3:0) маҳоратли футболчи тўп киритишга муваффақ бўлди ва мазкур гол Роналдуга “Реал” тарихидаги энг зўр тўпурар бўлиш имконини тақдим этди. Чунки португалиялик юлдуз ҳисобидаги киритилган голлари сони 324 тага етди. Бу орқали у “Реал” афсонаси Раулни (323 та гол) қувиб ўтди.
Дунёга машҳур Goal нашри эса жаҳонга машҳур баъзи бир жамоаларнинг рекордчи тўпурарларини эслаб ўтди. Биз ҳам сизларни дунёнинг 10 та гранд клубида энг кўп тўп киритган голеадорлар билан таништириб ўтамиз.
Герд Мюллер – “Бавария” афсонаси. Узоқ ўтмишнинг энг машҳур футболчиларидан бири саналадиган Мюллер Мюнхен супер клуби сафида 573 ўйинда иштирок этиб, 525 бор рақиблари дарвозасини ишғол этган. Бунақа натижани унча-мунча футболчи қайд этган эмас.
Яна бир жаҳон футболининг афсоналаридан бири бу Бобби Чарльтондир. Сер Бобби “Манчестер Юнайтед” таркибида барча мусобақаларда 249 та гол киритишга муваффақ бўлган. Бунинг учун унга 758 та ўйинда майдонга чиқиш етарли бўлган.
Жузеппе Меацца – Миланнинг “Интер” жамоасида барча даврларнинг тўпурари бўлиб турибди. Ушбу афсонавий футболчи ўз вақтида “Интер” таркибида 284 бор гол уришга муваффақ бўлган. У майдонга тушган ўйинлар сони эса 408 тани ташкил этади.
Тьерри Анри бўлса яқин ўтмишнинг машҳур юлдузларидан саналади. Француз футболчиси “Арсенал” мухлисларининг ёқимтойи эди. Анри “тўпчилар” таркибида 377 та беллашув ўтказиб, 228 бор рақиблар дарвозабонларини доғда қолдиришни уддалаганди.
Лионель Месси – “Барселона”нинг тирик афсонасига айланиб улгурди. Аргентиналик футболчи каталон клуби сафида 416 марта муваффақият қозонишга эришган. Бунинг учун унга турли хил турнирлардаги 489 та ўйин кифоя бўлган.
Иан Раш – “Ливерпуль” мухлсиларининг энг севимли футболчиларидан бири бўлган. Ушбу собиқ футболчи Мерсисайд клуби сафида 346 марта гол киритган. У “Ливерпуль”да ўтказган ўйинлари сони эса 660 тани ташкил қилади.
Фрэнк Лэмпард – “Челси”нинг яқин тарихидаги энг буюк ижрочиларидан бири ҳисобланади. Лэмпард “пенсионерлар” жамоаси таркибида 211 марта тўп киритишга муваффақ бўлган. У Лондон клуби сафида ўтказган ўйинлари сони эса 648 та.
Франческо Тотти – Римнинг “Рома” жамоаси сафида ўйнаган барча даврларнинг энг зўр футболчиси эканини барча яхши билади. Тотти аллақачон “Рома”нинг энг зўр тўпурар футболчисига айланиб улгурган. Унинг ҳисобидаги голлар сони 300 та! Яна шуни ҳам таъкидлаш жоизки, Франческо Тотти “Рома” таркибида 745 та учрашувда майдонга чиққан.
Златан Ибрагимович ПСЖ сафида қандай ўйинлар намойиш этаётганига барчамиз гувоҳ бўлиб турибмиз. Шуни ҳам қайд этиб ўтиш зарурки, Ибра аллақачон ушбу жамоанинг тўпуарарига айланиб улгурган. Швед футболчиси 138 та учрашувда 112 марта тўп киритиб, Париж супер клубининг энг яхши голеодори бўлиб турибди.
“Ювентус” жамоаси ишқибозларидан сиз севган футболчи ким, дея сўрасангиз албатта Алессандро Дель Пьеро деган жавоб олишингиз тайин. Зеро Дель Пьеро Турин клубида узоқ йиллар мобайнида жуда юқори даражада тўп сура олди. Шу боисдан ҳам Алессандро 290 та гол киритган. У “Юве” таркибида майдонга чиққан ўйинлар сони эса 705 та.
Манба: sports.uz
Киритилди: 17:29, 18.10.2015. Ўқилди: 9639 марта. Фикрлар: 11 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
