“Қизилқум” футбол клуби аъзолари Янги йил байрами муносабати билан жам бўлдилар.
Клуб матбуот хизматининг маълум қилишича, жамоа аъзолари ортда қолган мавсум якунларига бағишлаб байрам тадбири ўтказишди ва унда нафақат “Қизилқум” жамоаси аъзолари, балки “Гули” футболчи қизлари, вилоят раҳбарлари, хомийлар ва бошқа кўплаб меҳмонлар қатнашдилар.
Тадбирда сўзга чиққан Навоий кон-металлургия комбинати касаба уюшмаси раиси Исроил Раҳматов жамоага янги мавсумда омад тилади:
"Бундан бир неча йил олдин “Қизилқум” жамоаси олий лигадан тушиб кетмаса бўлди, деган ҳадик билан мавсум охирини кутардик. Мана аста-секин жамоа аъзолари чемпионатда ўз ўйинларини топиб боришмоқда. Энди футболчиларимизнинг совринли ўринлар учун курашадиган фурсати етди. Барчангизни кириб келаётган Янги — 2016 йил билан табриклар эканман, сизларга бир хушхабарни етказиб қўймоқчиман. “Қизилқум” жамоаси аъзоларига келаси мавсум олдидан хорижий русумдаги янги ва замонавий автобус тақдим қиламиз".
Таъкидлаб ўтамиз, Навоийнинг “Қизилқум” жамоаси ортда қолган мавсумда Олий лигада 10-поғонани эгаллади.
Матнда хатолик топсангиз, ўша хатони белгилаб, бизга жўнатинг (Ctrl + Enter).