“Локомотив”ни тарк этганлар. Топ-5
Ўтган мавсумни мамлакат вице-чемпиони бўлган “Локомотив” клуби бўлажак чеммпионат олдидан таркибни кескин равишда кучайтирмоқда. Шунингдек, таркибни қатор ўйинчилар тарк этишмоқда. Бугун “темирйўлчилар”ни тарк этганлар тўғрисида сўз юритамиз.
Мўйдин Мамазулумов
Иккинчи давра бошида келган Мамазулумов “Локо” сафида киришиб кета олмади. Вадим Абрамов кам имконият берди. Абрамов кетганидан сўнг Мўйдин асосан захирада қолиб кетди. Натижада, ҳужумчи клуб раҳбарияти кутган даражада футбол кўрсата олмаганлиги туфайли, таркибдан кетишга қарор қилди. Лекин Мамазулумов “Нефтчи”, “Олмалиқ” ва “Навбаҳор”га қарши ўйинларда гол киритишга эришди.
Лутфулла Тўраев
Ўтган мавсумда “Локо”нинг энг яхши ярим ҳимоячиси бўлган Лутфулла Малайзиядан тушган таклиф учун “темирйўлчилар”ни тарк этишга қарор қилди. “Фельда Юнайтед” Тўраевга таклиф билан чиқди. Шу боисдан Лутфулла жамоасини алмаштиришга қарор қилиб, “Локо” билан хайрлашди. Лутфулла клубнинг асосий бўғимларидан бири ҳисобланарди. Ярим ҳимояда кенг кўламдаги ишларни бажаришга одатланганди.
Иброҳим Раҳимов
“Кафу” лақабли футболчи “Локо”да ўз жойини топа олмай қолди. Илгари Раҳимов жамоасининг ишончли ўйинчиларидан бири ҳисобланарди. Кейинчалик рақобатга дош бера олмай қолдими, мураббийлар штаби Иброҳим Раҳимовга кам имконият берди. Мавсум якунланганидан сўнг раҳбарият Раҳимов билан хайрлашишга қарор қилишди. Шу тариқа бу клубнинг навбатдаги йўқотиши бўлди.
Дилшод Раҳматуллаев
Жисмонан бақувват бўлган Раҳматуллаев ҳам яқинда жамоа билан хайрлашишга қарор қилди. Дилшод “Локо”да ишончли ўйинчилар сирасига кирарди. Доимий равишда майдонга тушган ўйинларда кенг кўламдаги ишларни бажаришга одатланганди. Янги мавсум арафасида Сервер Жепаров, Кахи Махарадзе сингари ўйинчиларни олиб келиниши оқибатида Дилшод билан раҳбарият хайрлашди.
Шавкат Муллажонов
Ўзбекистон миллий терма жамоаси ҳимоячиси сифатида кўплаб учрашувларда тушиб келган Муллажонов ҳам “Локо”ни тарк этди. Ҳимоячи сўнгги пайтга келиб захирада қолиб кетди. Асосан ёшлар лигасида ўйин амалиётига эга бўлиб турди. Кейинчалик раҳбарият Муллажонов билан хайрлашди. Шавкат “темирйўлчилар”ни тарк этганидан сўнг БААнинг “Аш-Шаъб” клуби билан шартнома тузди.
Манба: sports.uz
Киритилди: 10:38, 10.01.2016. Ўқилди: 4142 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
