Ўтган мавсумда “Қўқон-1912” жамоаси ўринбосарлари ўзларининг чиройли натижалари билан мухлисларни хурсанд қилишди. Янги мавсумга жамоа ўринбосарлар таркибини маҳаллий мутахасис Муҳиддин Абдувалиев тайёрлайдиган бўлди. Биз янги мураббийни суҳбатга тортдик.
– Муҳиддин ака сиз яна “Қўқон-1912” жамоасига қайтдингиз , бу чорловни кутганмидингиз ?
– Албатта кутгандим, чунки мен бу жамоада ўйнаганман, ишлаганман. Қисқа қилиб айтганда жамоа мен учун ўз оиламдек қадрдон. Ўртада бир йил жамоада ишламаган бўлсам ҳам жамоани ҳар бир ўйинларини кузатиб бордим ва мухлислик қилдим. Қолаверса футбол ҳаётимни бир қисмига айланган, тўғриси бошқа иш билан шуғуллана олмасам керак.
– Ўтган мавсумда Муҳсин Низомиддинов бошчилигидаги ўринбосарлар таркиби ёшлар биринчилигида 7-ўринни қўлга киритиб , мухлисларга қувонч улашишди. Сизнинг олдингизга раҳбарият қандай вазифа қўйишди?
– Ҳа ўтган мавсумда жамоа ўринбосарлари дастлабки мавсум иштирок этишларига қарамай, жуда яхши натижаларга эришишди. Раҳбарларимиз менга қайсидир ўринни олиш керак деган вазифа қўйганлари йўқ. Вазифа асосий таркибга муносиб ёш футболчиларни тарбиялаш. Лекин мен ўзимга ўтган йилгидан кам натижа кўрсатмасликни вазифа қилиб белгилаб қўйганман. Қўқонимиз ҳалқи жудаям футболни яхши кўришади. Ўринбосарлар иштирокидаги ўйинларга ҳам кўплаб мухлислар келишади, шунинг учун уларни хурсанд ҳолда қайтишлари учун астойдил ишлаймиз.
-Тайёргарлик режалари билан ўртоқлашсангиз.
Янги йилдаги дастлабки йиғинни бугундан (11 январь куни) бошлаймиз. 30 январда бошланадиган “Фарғона вилоят ҳокими кубоги” мусобақасида асосий таркиб билан бирга иштирок этамиз. Шу мусобақа бизга янги мавсумга тайёргарлик вазифасини ўтаб беради.
– Жамоани ўзаги бор. Янги футболчиларни кўрикдан ўтказяпсиз. Сизга ёққан маҳаллий ёшлар борми ?
– Биз декабрь ойида бўлиб ўтган дастлабки йиғинимиз давомида 70 нафардан ошиқ Қўқон шаҳри ва атроф туманларидан келган ёш футболчиларни кўрикдан ўтказдик. Машғулотлар ва ўзаро ўйинлар давомида ўзини кўрсатган 10-15 нафар ёшларни бу йилги дастлабки йиғинимизга таклиф қилганмиз. Бу футболчиларни яна кўрамиз. Машғулотлар давомидаги ҳаракатларига қараб 5-6 нафарини жамоада олиб қоламиз.
– Муҳиддин ака суҳбатингиз учун рахмат, сизга бошлаган ишингизда омад ёр бўлишини тилаймиз!
Акрамжон Мамадалиев суҳбатлашди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
