Хабар бериб ўтганимиздек, жамоамиз бугун Бекободнинг "Металлург" жамоаси билан ўртоқлик ўйини ўтказди.
Учрашув голларга бой бўлди. Стадионга ташриф буюрган ишқибозлар дарвозаларга урилган олтита голга гувоҳ бўлишди. Ўйининг еттинчи дақиқасида Дилмурод Каримов ҳисобни очди. 28-дақиқада Арслонмурод Амановга нисбатан жарима майдончасида қўполлик ишлатилди. Белгиланган пенальтини Фарҳод Тожиев бехато амалга оширди. Иккинчи таймда жамоамиз ҳужумкорликни оширган бўлсада, бу ҳисобда акс этмади. Аксинча бекободликлар яратилган вазиятлардан унумли фойдаланишди. 62 ва 68-дақиқаларда Зоҳид Абдуллаев Михаил Наумов қўриқлаётган дарвозани ишғол этиб, "Металлург"ни олдинга олиб чиқди. 70-дақиқада Дониёр Исмоилов ҳисобни қисқартиришга эришди. Ўйиннинг сўнгги дақиқасида Суннат Эрматов ўйинда якуний ҳисобни ўрнатувчи голга муаллифлик қилди.
Бу баҳсда жароҳат сабаб Ислом Иномов ва Дарко Станоевич иштирок этмади. Достон Тошматов, Умид Хонимқулов, Роман Абдулов ва Рўзимбой Аҳмедовлар эса машғулот ўтказиш билан чекланишди.
Учрашувни жамоалар қуйидаги таркибларда ўтказишди.
"Олмалиқ" - "Металлург" 2:4
Ҳакамлар: Аҳрол Рисқуллаев, Элдор Турсунов, Жаҳонгир Абдураззоқов, Шуҳрат Ражабов.
Голлар: Фарҳод Тожиев 28-пенальти, Дониёр Исмоилов 70 - Дилмурод Каримов 7, Зоҳид Абдуллаев 62, 68, Суннат Эрматов 90.
"Олмалиқ": Никита Шквирин, Раҳматилло Бердимуродов, Саидкомил Акбаров, Евгений Гоголь, Иброҳим Раҳимов, Тимур Шарипов, Миржамол Қосимов, Арслонмурод Аманов, Дониёр Исмоилов, Диёр Туропов, Фарҳод Тожиев.
Захирадан майдонга тушганлар: Михаил Наумов, Зоҳир Пиримов, Никита Павленко, Мурод Ражабов, Муҳаммад Исаев, Азамат Исроилов, Азизбек Суюнов, Абдуқаҳҳор Ҳожиакбаров, Исломбек Исоқжонов.
"Металлург": Зафар Сафаев, Ҳикмат Ҳошимов, Вусол Магеррамов, Мурод Тошматов, Дилмурод Каримов, Аюбхон Номанов, Эргаш Исмоилов, Жавоҳир Эсонқулов, Даврон Каримқулов, Дониёр Одилов, Зоҳид Абдуллаев.
Захирадан майдонга тушганлар: Мирғиёс Сулаймонов, Жасур Аҳмедов, Улуғбек Худойбердиев, Фарҳод Намозов, Суннат Эрматов, Озод Комилов.
Учрашув якунлангач, жамоамизда кўрикда бўлган Михаил Наумовга жавоб берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
