Ўтган ҳафта ўзбекистонлик легионерлар учун нисбатан самарали кечди. Дейлик, Шавкат Муллажонов «Ал-Шааб»нинг мавсумда илк марта ғалаба қозонишига ҳисса қўшди.
Ниҳоят, 3 очко
БАА чемпионатида фаолиятини давом эттираётган ҳамюртимиз Шавкат Муллажонов «Ал-Шааб» сафида ниҳоят, ғалабани тантана қилди. Ўз майдонида «Ал-Дафра» билан ўйнаган «Шааб» 2:0 ҳисобида устун келди. Ҳамюртимиз бошланғич таркибда майдонга тушди ва тўлиқ 90 дақиқа ҳаракатланди. Иккинчи бўлим бошланиши билан эса сариқ карточка олди. Бу «Ал-Шааб»нинг чемпионатдаги биринчи ғалабасидир. Жамоа 6 очко билан ҳамон турнир жадвалининг сўнгги поғонасида боряпти.
Автогол туфайли
«Ал-Шабаб» ўз майдонида аламли тарзда имкониятни бой берди. «Бани Яс»га қарши ўйин тақдирини Азизбек Ҳайдаровнинг ҳеч кутилмаган автоголи ҳал қилди. 17та учрашувда 23 очко жамғарган «Ал-Шабаб» мусобақа жадвалининг 7-поғонасини банд этиб турибди.
Қўлдан чиқарилган ютуқ
Қатар Юлдузлар лигаси 17-тури доирасида Санжар Турсуновнинг клуби - «Умм Салал» ўз майдонида «Қатар СК» билан куч синашди. Унда 2:2 ҳисоби қайд этилди. Учрашувнинг 39-дақиқасида Мунир ал Ҳамдавий ҳисобни очган бўлса, 68-дақиқада Сагбо майдон эгалари устунлигини оширди. Бироқ сўнгги дақиқаларда «Умм Салал» ғалабани қўлдан бой берди. 85-дақиқада Фадел Умар ҳисобни қисқартирди, қўшиб берилган вақтнинг сўнгги сонияларида эса меҳмонлар пенальтидан гол уриб, мувозанатни тиклашди - 2:2. Мазкур турдан сўнг «Умм Салал» очколар сонини 24тага етказиб, 5-ўринга кўтарилди. Ўзбекистон терма жамоаси аъзоси ўйинни тўлиқ майдонда ўтказди.
Ишонарли ғалаба
Қатар Юлдузлар лигасининг ушбу турида таркибида Сардор Рашидов ҳаракат қилаётган «Ал-Жаиш» ўз майдонида «Ал-Харайтият»га имконият бермади. «Ҳарбийлар» ташаббуси остида кечган ўйинда мезбонлар 3:0 ҳисобида ғалабага эришдилар. Сардор Рашидов ўйиннинг бошидан 67-дақиқагача фаол тўп сурди.
Аламли якун
Эрон чемпионати19-тур доирасида Александр Лобанов ва Фозил Мусаев ўз жамоалари ўйинларида иштирок этишди. «Сепаҳон» сафарда «Фулад»га кичик ҳисобда имкониятни бой берди. «Персеполис» эса яна 2:2 ҳисобида дуранг ўйнади (теҳронликлар аввалги турда Мусаевнинг клуби билан шундай ҳисоб қайд этишганди). Аламлиси, Александр Лобанов 90-дақиқада ўз дарвозасидан тўп ўтказиб юборди ва жамоаси дуранг билан чекланди.
Денисовга АПЛ маъқул
Москванинг «Локомотив» жамоаси аъзоси Виталий Денисов қишки трансферлар вақти «Лацио» сафига ўтиши ҳақида тарқалган хабарларга муносабат билдирди. У «Советский спорт» нашри мухбири саволларига жавоб бериш асносида Англия ва Германия чемпионатларини ёқтириши, Италия «А» сериясидан эса кейинги вақтлар кўнгли қолганини таъкидлади. Шунингдек, «Лацио» сафига ўтиши хусусида хабарлар қаердан пайдо бўлганини билолмай қолганини, аслида бундай эҳтимол бўлмаганини билдирди. «Янги йил арафасида Туркиянинг «Трабзонспор» жамоасидан таклиф тушгани ҳақида ҳам шундай асоссиз хабар тарқалганди. «Лацио»дан таклиф бўлиши ёмон эмас, бундай ҳолатда музокаралардан қочмасдим. Лекин ўзимга қолса, Англияда ўйнашни танлардим. Масалан, «Арсенал», «Эвертон» ёки Манчестер клубларидан бирида», - деди терма жамоамиз ҳимоячиси.
Янги мавсумга тайёргарлик
Ҳимоячи Егор Кримец фаолиятини яна Хитой супер-лигасида давом эттиришидан хабарингиз бор. «Пекин Гуоан» клуби терма жамоамиз ҳимоячисини 2 мавсумга мўлжалланган ижара келишуви асосида олди. Кримец айни пайт Хитой клуби билан янги мавсумга ҳозирлик кўрмоқда. Пекинликлар йиғинлар чоғи синов-назорат баҳсларида ҳам майдонга тушишмоқда. Хусусан, «Пекин Гуоан» куни-кеча «Шанхай Шенхуа»га қарши ўртоқлик ўйини ўтказди. 1:1 ҳисобида тугаган баҳсда ҳамюртимиз бир бўлим ўйнади.
Сардор Рашидов («Ал-Жаиш», Қатар)
Қатар Юлдузлар лигаси. 17-тур
«Ал-Жаиш» - «Ал-Харайтият» - 3:0
Ўйнади: 67 дақиқа
Жами ўйинлари сони: 17та
Голлари сони: 9та
----------------------------------------------
Санжар Турсунов («Умм Салал», Қатар)
Қатар Юлдузлар лигаси. 17-тур
«Умм Салал» - «Қатар» СК - 2:2
Ўйнади: 90 дақиқа
Жами ўйинлари сони: 2та
----------------------------------------------
Шавкат Муллажонов («Ал-Шааб», БАА)
БАА про-лигаси. 17-тур
«Ал-Шааб» - «Ал-Дафра» - 2:0
Ўйнади: 90 дақиқа, сариқ карточка
Жами ўйинлари сони: 4та
----------------------------------------------
Азиз Ҳайдаров («Ал-Шабаб», БАА)
БАА про-лигаси. 16-тур
«Ал-Шабаб» - «Бани Яс» - 0:1
Ўйнади: 90 дақиқа, автогол
Жами ўйинлари сони: 16та
Голлар сони: 2та
----------------------------------------------
Фозил Мусаев («Сепаҳон», Эрон)
Эрон про-лигаси. 19-тур
«Фулад» - «Сепаҳон»-1:0
Ўйнади: 90 дақиқа
Жами ўйинлари сони: 19та
Голлар сони: 1та
----------------------------------------------
Александр Лобанов
(«Персеполис», Эрон)
Эрон про-лигаси. 19-тур
«Зоб-Оҳан» - «Персеполис»-2:2
Ўйнади: 90 дақиқа
Жами ўйинлари сони: 3та
Манба: "ИнтерФУТБОЛ" газетаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
