8та энг даҳшатли «Милан дербиси»
06.11.1932. «Амброзиана-Интер»-«Милан» - 5:4
Бу клублар ўша вақтлар ҳам ўйнашни билишарди. «Амброзиана-Интер» (клуб номига «Амброзиана» қўшимчасини Италиядаги фашистлик диктатураси даврида ўйлаб топишган)нинг ажабтовур ғалабасига бўлажак жаҳон чемпиони Жузеппа Меацца катта улуш қўшган. Шунингдек, ЖЧ-34нинг яна бир иштирокчиси ва тарихдаги илк мундиал совриндори, аргентиналик Демария ҳам. Айнан у «дубл»га эришиб, ўзига Италия термаси учун йўл очган. Зеро, ўша вақт фуқароликни алмаштириб, бошқа миллий жамоа сафига ўтиб кетиш мумкин эди. Ҳозир ҳам шундай бўлганидами, Месси Испания термаси учун ўйнармиди?
06.11.1949. «Интер»-«Милан» - 6:5
Ўша мавсум «Милан» Нордаль, Грен ва Лидхольмдан иборат Гре-Но-Ли триоси билан кучайганди. Бу учликни ҳозирги Месси-Суарес-Неймар триосига қиёслаш мумкин. Натижада «россонерлар»да маҳсулдорлик қиёси йўқ даражада ошиб кетади. Энг қизиғи, 19-дақиқагача «Милан» таблода 4:1 ҳисобини таъминлаганди. Аммо клуб ғалабага эрта ишониб қолиши натижасида «Интер» иккинчи бўлим ўрталарида вазиятни ўз томонига оғдиради. Мана, ярим асрдан ошдики, жамоалар битта ўйинда 11та гол уриш уддасидан чиқолмаяптилар - янгиланмас рекорд. Ўша ўйинда «хет-трик» қайд этган Амадеи «Интер» тарихига кирганди.
28.03.1965. «Интер»-«Милан» - 5:2
«Интер» ижросидаги «катеначчо ва ҳимоявий ўйиннинг ёрқин намунаси. Испаниялик мутахассис Эленио Эррера жамоасида Маццола «дубл»га эришганди.
11.05.2001. «Интер»-«Милан» - 0:6
«Милан дербиси» тарихидаги рекорд йирик ғалаба. Дарҳақиқат, ўша мавсум «Милан»ни тўхтатиш иложсиз эди. Дерби тарихидаги бўлажак энг яхши тўпурар Андрей Шевченко тўлақонли нур сочган ўша оқшом Командиниўзининг энг яхши ўйинини ўтказиб, 2та гол урган. Қизиғи, бу голлар унинг «россонерлар» либосидаги охирги аниқ зарбалари бўлиб қолди.
12.04.2006. «Интер»-«Милан» - 0:3 (техник ҳисоб)
Бу дерби шуниси билан даҳшатлики, Андрей Шевченконинг ягона голи якунда 3та аниқ зарба ўрнини босган. Яъни «Интер»га техник мағлубият ёзилган. Сабаби - ЧЛ чорак финал доирасидаги ўйинда германиялик ҳакам Маркус Мерк майдонга петардалар улоқтирилганини қайд этган. Улардан бири «Милан» кипери Дидага тегиб, биринчи даражали куйиш жароҳатига олиб келганди.
28.10.2006. «Милан»-«Интер» - 3:4
7та гол, уларнинг муаллифлари энг сара юлдузлар - Эрнан Кресподан тортиб, Кака, Златан Ибрагимович ва Кларенс Зеедорфгача. Хуллас, янги асрдаги энг сермаҳсул ва жанговар дерби.
29.08.2009. «Милан»-«Интер» - 0:4
Жозе Моуриньо ёш мураббий Леонардога қарши. Ҳисоб - 4:0. Ўша куниУэсли Снейдер, Диего Милито ва Самуэль Это~О таркибидаРоналдиньо ва Патоси бор рақибга заррача имконият қолдирмаганди. Бу ўйин ҳозирча энг йирик ҳисобли ғалаба қайд этилган охирги дерби бўлиб турибди.
06.05.2012. «Интер»-«Милан» - 4:2
Чинакамига хушчақчақ ўтган охирги олишув. Ҳарқалай, эндиликда битта дербида 6та гол уриш нодир ҳодисага айланди. 4 йил олдинги баҳсда Диего Милито бош қаҳрамон ролини ижро этиб, «Милан» дарвозага 3 марта йўл топганди. Қолаверса, Златан Ибрагимович «дубл»га эришган, аммо бунинг фойдаси сезилмаган.
Манба: Football.ua, А.ҚОДИРОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
