Футбол жамоатчилигига яхши таниш бўлган Рожерио Сени шу кунларда 43 ёшга тўлди. «Сан-Паулу» дарвозасини 20 йил қўриқлаган моҳир посбон ўз дарвозаси дахлсизлигини таъминлашдан ташқари, жарима зарбаларини амалга оширишни ҳам қойиллатарди. Ана шу маҳорати эвазига у тўпурар дарвозабон сифатида дунёга донг таратди. Келинг, шу ўта камёб футболчининг ҳаётий ақидалари билан танишайлик.
Доимо кўпчиликнинг эътиборида юриш учун Бразилияда ҳар ким ўз нуқтаи назарига эга бўлиши лозим.
Мен ўйнайман. Чунки улғайишни истайман.
Барча воқеаларга холис баҳо беришга интиламан. Маблағ - муаммо эмас.
Қалбим - 5 қиррали қалқон, қизил ва оқ.
Мени мафтун қиладиган нарса - майдонга тушиш ва зафар қучиш. У қанақа турнир бўлишидан қатъий назар.
Менинг танловим - 3 хил ранг! («Сан-Паулу» гербидаги рангларга ишора)
«Сан-Паулу» - ҳаётим мазмуни. Ўзим ҳам кўпчилик мухлислар учун шундай бўлишни истайман.
Ҳаётда ҳам, ишда ҳам машаққат ва интилишларсиз ҳеч нарсага эришиб бўлмайди.
Мен доимо навбатдаги учрашувда ғалаба қозонишни ўйлайман. Шундай бўлса, мақсадга эришишимиз аниқ!
Шу ерда туғилдим. Фаолиятимни ҳам шу ерда якунлашни истайман!
Мен учун муваффақият ғалабалар билан ўлчанмайди.
«Сан-Паулу»да ишлайман, яшайман!
Футболчини тўхтатиш, футбол ҳаётидан воз кечиш қийин!
Инсон сифатида кўпгина нуқсонларим бўлиши мумкин. Бироқ мен ўз жамоам либосида профессионал даражага кўтарилганим билан фахрланаман.
«Селесао»нинг саралаш беллашувларини томоша қилишни тўхтатдим. Бразилия чемпионати ундан қизиқарлироқ.
Энг катта ютуғим - шу жамоада 20 йил ўйнаганим!
Мана бу футболка фаолиятимдаги охирги либос. Буни ечгач, мухлисларга қўшиламан ва Морумби (Сени ўзининг 100-голини урган жой)га йўл оламан.
Айтишларича, хорижда тўп суриш яхшироқ эмиш. Хўш, мен дунёдаги энг яхши жамоада ўйнаётган бўлсам-чи?
Бир қарашда, бу тушга ўхшайди. Лекин иккинчи томондан, бизда доимо «Ливерпул»ни енгишга ишонч бўлганди (2005 йилдаги клублар ўртасида ЖЧ финалидан кейин).
Доимо майдонга тушганимда, ғалаба учун ҳар қандай вазифани бажаришга тайёр турардим. Керак бўлса, донор сифатида қон беришим, оёқни синдириш талаб этилса, синдиришим мумкин. Табиатим шундай.
Футболни севаман, лекин «Сан-Паулу»да ўйнашни янада кучлироқ севаман!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
