"Пахтакор" - "Насаф" ўйинидан кейинги матубот анжуманининг иккинчи қисмида "Пахтакор" мураббийи Григорий Колосовский журналистлар саволларига жавоб қайтарди.
"Бугун тенг кучли икки жамоа ўйнади. Иккала жамоа ҳам дурангдан қониқмади деб ўйлайман. ОЧЛ ўйинидан сўнг ортга қайтиш учун бир сутка вақтни кетказдик. Йигитларда бироз толиқиш ҳам бўлди. "Насаф" эса ОЧЛда ўз уйида ўйнаганини ҳисобга олиш керак. Бугунги бир очко олдик, демак ишлашда давом этамиз. Бугун "Пахтакор" ғалаба учун ўйнади"
- Ҳакамлар борасида қандай фикр билдирасиз?
- Бир қатор баҳсли вазиятлар бўлди. Лекин ҳакамлар ҳақида гапирмайман. Изоҳсиз қолдираман.
- Анвар Солиевни майдонга туширдинглар. Ундай ҳолда Нўъмон Ҳасанов ҳам майдонга тушиши мумкинми? Ёшларга имкон бериш керак эмасми?
- Солиев машғулотлар вақтида ўзини яхши томонлама кўрсата олди. Шу боис бизга гол керак бўлгани учун уни майдонга тушурдик.
- Жамшид Искандеровнинг ўрни билинаяпти...
- Искандеров жамоанинг асосий футболчиси. Унинг йўқлиги албатта бизга қийинчилик туғдирмоқда.
- "Пахтакор" бугун жуда қўпол ўйнади. Бунга қандай қарайсиз?
- Бу сизнинг фикрингиз. Менимча қўпол ўйин бўлмади. Сариқ карточка кўрсатилган вазиятларда ҳам у қадар қўпол ўйналмаганди.
- Никита Рибкинга рақобатчи борми? Уни айбламаяпман, шунчаки унга ўринбосар борми?
- Бу Ўзбекистоннинг муаммоси. Олимпия терма жамоасида ҳам олий лигада ўйнаган дарвозабон йўқ эди. Рибкин машғулотларда яхши ишламоқда. Шу боис айни пайтда жамоамизнинг асосий посбони ҳисобланади. Голда биргина Рибкинни айблаш керакмас, натижа учун ҳаммма жавобгар, мураббийлар штаби, ўйинда ўйнгана футболчилар ҳам.
Матнда хатолик топсангиз, ўша хатони белгилаб, бизга жўнатинг (Ctrl + Enter).