«Нефтчи» жамоасини қўллаб-қувватлаймиз! (мухлислар номидан)
Мана орзиқиб кутилган XXV миллий чемпионатимиз қизғин тарзда давом этмоқда. Бироқ севимли жамоамиз “Нефтчи” 2-турда “Навбаҳор” устидан қозонилган чемпионат доирасидан муваффақиятдан сўнг кетма-кет мағлубиятларни қабул қилиб олмоқда.
Бу мағлубиятлар эса ҳеч қайси мухлисга ёқмаслиги кундек равшан. 2016 йилги мавсум бизга “Нефтчи” жамоасининг 2014 йилдаги мавсумини эслатмоқда. Жамоа бошқарувини Мурод Исмоилов қабул қилиб, янги таркибга эга ”Нефтчи” жамоасини шакллантириб олгунча бир мавсум вақт кетди. Кейинги йили эса меҳнатлар ўз самарасини беришни бошлаганди. Мурод Исмоиловнинг тинимсиз изланишлари ва мухлисларни қўллаб-қувватлаши натижаси жамоа Олий лига-2015ни энг кучли беш клуб қаторида якунлади. Тўғри, ўз вақтида “Нефтчи” мухлислари жамоани фақат совриндорлар қаторида кўриб ўрганиб қолишганди. Бироқ футболда мана шундай юксалиш ва пасайиш даври ҳам бўлиб туради. Мисол учун бир пайтлар Туриннинг “Ювентус” жамоаси Италия чемпионатини тарк этган пайтлар ҳам бўлди. Бироқ кўп ўтмай жамоа ўзининг нафақат Италиядаги балки Европадаги нуфузини ҳам тиклаб олди. Мен “Нефтчи”нинг айни пайтдаги холатини шу клубга қиёслайман. Жамоамиз қайтадан шаклланмоқда. Яқин йиллар ичида “Нефтчи” яна грандлар қаторига қайтишига ишонаман.
Афсуски, бу йил Андрей Фёдоров ва унинг жамоасининг ишлари яхши кечмаяпти. “Нефтчи” айни пайтда ўз мухлисларининг қўллаб-қувватлашига муҳтож! Келинг, севимли “Нефтчи” жамоамизни қўллайлик. Зеро, биз мухлисларнинг далдаси айни лаҳзада Фёдоров ва унинг жамоасига қўшимча куч бўлишига шуба йўқ. Шу мақсадда ҳақиқий жонкуяр мухлислар ўртасида “Нефтчи" мухлислар гуруҳи”ни ташкил қилмоқчимиз. Бунда эса сиз мухлисларнинг ёрдамингиз керак бўлади. Бу ҳақида тез орадан матбуот орқали хабар қиламиз.
16 апрель куни “Нефтчи” жамоаси ўз майдонида “Сўғдиёна”га қарши ўйнайди. Барча футбол ишқибозларини мазкур беллашувга чорлаб қоламиз. Яна бир бор таъкидлаб ўтмоқчиман, айни пайтда жамоага мухлисларнинг далдаси жуда ва жуда зарур. Биз бир жамоамиз ва “Нефтчи”ни қўллаб-қувватлаймиз!
“Нефтчи” жамоасининг жонкуяр мухлислари номидан БЕК.
Манба: fcneftchi.uz
Киритилди: 13:05, 16.04.2016. Ўқилди: 3247 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
