Олий лиганинг 10 та жамоасининг ёқимли ва ёқимсиз сериялари
Ўзбекистон чемпионатининг 6-тури ҳам ўз ниҳоясига етди. Биз Олий лигада жамоаларининг давом этаётган ва ушбу турда узилган ёқимли ва ёқимсиз сериялари ҳақида тўхталиб ўтишни жоиз деб топдик.
1. “Локомотив”
Тошкентнинг “Локомотив” жамоаси Ўзбекистон чемпионати ва Чемпионлар лигасида майдонда тушган сўнги 20 ўйинда майдонни мағлубиятсиз тарк этмоқда. “Темирйўлчилар” охирги марта ўтган йилнинг 12 сентябр куни “Пахтакор”дан мағлуб бўлишган эди.
2. “Бунёдкор”
“Бунёдкор” Ўзбекистон чемпионатидаги мағлубиятсиз ўйинлари сериясини 11 тага етказиб олди. “Қалдирғочлар” ўтган йилнинг 30 сентябр куни сафарда “Машъал”га ютқазгандан буён, мағлубиятга учрамай келмоқда.
3. “Насаф”
Қаршининг “Насаф” жамоаси Ўзбекистон чемпионатида бу мавсум ҳали мағлубиятга учрамади. “Аждарлар” ўтган мавсумнинг охирги турида Муборакда “Машъал”га имкониятни бой берган эди.
4. “Қизилқум”
Навоий вилоятининг “Қизилқум” клуби ҳам “Насаф” сингари бу мавсумда мағлуб бўлмади. Зарафшонликларнинг охирги мағлубияти ўтган йилнинг сўнги турида “Нефтчи” билан ўйинга тўғри келади.
5. “Пахтакор”
Тошкентнинг “Пахтакор” жамоаси ўз майдонида ўтказган охирги 17 ўйинда мағлубиятга учрамаган. “Шерлар”ни “Пахтакор” марказий стадионида охирги марта Ар-Риёднинг “Ал-Шабоб” жамоаси 2015 йилнинг 6-май санасида таслим қилган эди.
6. “Пахтакор”
“Пахтакор” жамоаси Ўзбекистон чемпионатида 10 учрашувдан буён мағлубиятга учрамай келмоқда. Нўмон Хасанов шогирдлари охирги марта ўтган йилнинг 21 октябрида “Бунёдкор” томонидан мағлуб қилинган эди.
7. “Бухоро”
“Бухоро” ўз майдонида ўтказган охирги 4 ўйинда мағлубиятга учрамай келаётган эди. Бироқ “Насаф”га қарши баҳсда 24 мингдан ортиқ мухлислар кўз ўнгида бу ёқимли анъанага барҳам берилди.
8. “Нефтчи”
Фарғонанинг “Нефтчи” жамоаси Олий лигадаги охирги 6 та сафар ўйинида ғалаба қозона олмай келаётган эди. “Машъал”га қарши ўйинда Фарғоналиклар ёқимсиз анъаналарига якун ясашди.
9. “Навбаҳор”
Наманганнинг “Навбаҳор” жамоаси Олий лигада охирги 4 та сафар ўйинида фақат мағлубиятга учрамоқда. “Лочинлар” охирги марта ўтган йилнинг 26-октябрида сафар ўйинидан очко билан қайтишган эди.
10. “Шўртан”
Ғузорнинг “Шўртан” жамоаси ушбу мавсумдаги барча ўйинларда мағлубиятга учрамоқда. Клуб ўтган йилнинг сўнги ўйинида ҳам ютқазганини инобатга олсак, мағлубиятли серия 7 ўйинга етди.
11. “Обод”
Олий лига дебютанти ҳисобланадиган ‘Обод” жамоаси ўтказилган 6 ўйиннинг бирортасида ҳам ғалаба нашидасини сурмади. Тошкентликларнинг бу ёқимсиз анъанаси қачонгача давом этаркин? Буни вақт кўрсатади.
Фурқат Юсупов тайёрлади
Тавсия этамиз
Олий лига. 6-турга оид 15 факт
Манба: sports.uz
Киритилди: 11:19, 29.04.2016. Ўқилди: 3855 марта. Фикрлар: 29 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
