Бу йил Ўзбекистон Биринчи лига баҳслари ҳар галгиданда қизиқрок давом этмокда. Чемпионат бошланмасидан олдин тахмин килганимиздек Олий Лига йўлланмаси учун ҳаракат қилаётган жамоалар 6-турдан сўнг яққол ажралиб қолишган. Бу жамоалар ўша сиз билган “Цементчи”, “Нурафшон”, “УзДонгЖу” ва “Динамо”. Ушбу рўйхатда яна икки жамоа хам кураш олиб боришини айтиб ўтган эдик “Оқ-тепа” ва “Зомин”, лекин ушбу чемпионат бу икки жамоа учун омадсиз бошланди.
“Цементчи” ва “Нурафшон” жамоалари эса хозирга келиб мағлубиятга учрамай келмокда.
Тўплар нисбати хам айнан шу икки жамоада энг яхши кўрсаткич.
Қувасойликлар рақиблар дарвозасини 11 бор нишонга олиб, ўз дарвозасидан 1 бор тўп олиб чиққан. Тўплар нисбати +10 та.
“Нурафшон” - рақиблар дарвозасини 11 бор нишонга олиб, ўз дарвозасидан 2 бор тўп олиб чиққан. Тўплар нисбати +9 та.
“УзДонгЖу” - рақиблар дарвозасини 9 бор нишонга олиб, ўз дарвозасидан 4 бор тўп олиб чиққан. Тўплар нисбати +5 та.
“Динамо” - рақиблар дарвозасини 8 бор нишонга олиб, ўз дарвозасидан 6 бор тўп олиб чиққан. Тўплар нисбати +2 та.
6-турдан сунг “УзДонгЖу” жамоаси 15 очко билан турнир жадвалини бошкариб турибди, кейинги ўринларни “Цементчи”, “Нурафшон” ва “Динамо” жамоалари эгаллаб келмокдалар.
Т/Р. Жамоа. УР-УТ. Т-Н. Очко
1. “УзДонгЖу” 9-4. 5. 15
2. “Цементчи” 11-1. 10. 14
3. “Нурафшон” 11-2. 9. 13
4. “Динамо” 8-6. 2. 13
Келинг, ушбу жамоаларни шу бугунгача босиб ўтган йўлини бир таҳлил килиб кўрайлик.
Дастлаб 1-ўринда бораётган “УзДонгЖу” хакида
Ушбу жамоа 1-2-тур учрашувларини уйда қабул қилиб, “Машал-2”ни 3:0 ва “Насаф-2” жамоаларини 2:1 хисобида мағлубиятга учратди ва ўз майдонида максимал 6 очкони қўлга киритди. 3-турда Зоминга сафар уюштириб, Зомин стадиони тайер эмаслиги сабабли “УзДонгЖу”га техник ғалаба ёзилди ва сафардан текин 3 очколик бўлиб қайтдилар. 4-турда “Динамо” меҳмони бўлиб, кичик 1:0 хисобида мағлубиятга учради. 5 ва 6-турларни яна уйида “Косонсой” ва “Хотира-79” жамоаларини кабул қилиб кичик 1:0 ва 2:1 хисоби билан мағлубиятга учратди.
Демак, “УзДонгЖу” 6 та учрашувда майдонга тушиб 5 та ғалаба 1 та мағлубият билан 15 очко жамғариб 1-ўринда бормоқда.
Энди 2-ўринда бораётган “Цементчи” жамоаси хақида
“Цементчи” 1-турни уйида Қувасойда яқиндагина Олий Лигани тарк этган ва бу йил яна Олий Лигага қайтишни мақсад килган анчайин жиддий рақиб “Динамо”ни қабул қилиб, 2:0 хисобида мағлубиятга учратди. 2-турда яна бир жиддий рақиб “Зомин” жамоасини уйда кичик 1:0 хисобида мағлубиятга учратишнинг уддасидан чиққан. 3 ва 4 турларда Наманганга “Хотира-79” ва “Косонсой” стадионларига меҳмон бўлиб, икки учрашувда ҳам бир хил 0:0 хисобидаги нурсиз дуранг билан қайтдилар. Айтишимиз мумкинки, қимматли очколар бой берилди. 5-турда қувасойликлар яна бир кучли жамоа “Оқ-тепа” жамоасини қабул қилиб йирик 3:0, 6-турда Тошкентнинг яна бир жамоаси “Локоматив БФК” ни 5:1 хисобида мағлубиятга учратдилар.
Демак, “Цементчи” 6 учрашувда майдонга тушиб 4 та ғалаба 2 бор дуранг натижа қайд этиб, мусобақа жадвалида 14 очко билан 2-поғонани банд этиб турибди.
“Нурафшон” жамоаси хақида;
Ушбу жамоа 1-2 тур учрашувларида “Косонсой”ни 1:0 ва “Хотира-79” жамоаларини қабул қилиб, 3:0 хисобида мағлубиятга учратди. Шундан сўнг 3-турда Тошкентга “Локомотив БФК” жамоасини йирик 0:3 таслим қилган бўлса, 4-турда “Оқ-тепа” меҳмони бўлиб 2:2 хисоби билан Тошкентдан 4 очко билан уйга қайтдилар. Бу анчайин яхши натижа! 5-турни эса ўз уйида қўшни “Ғиждувон”га қарши ўтказиб, 2:0 ҳисобида ғалабага эришди. “Нурафшон” жамоаси 6-тур баҳсларини ўтказиб юборди ва бу турда улар дам олишди.
Демак, “Нурафшон” жамоасида ҳозир энг яхши кўрсаткич, яъни бир ўйин кам ўтказган ҳолда 5 бор майдонга тушиб, 4 та ғалаба ва 1 та дуранг билан турнир жадвалида 13 очко билан 3-поғонани эгаллаб турибди.
“Динамо” жамоаси хақида
Ушбу жамоа 1-2 турларда Фарғонага ташриф буюрди. Дастлабки турда “Цементчи”га 2:0 ҳисобида имкониятни бой берган бўлса, 2-турда “Ёзевон лочинлари” жамоаси билан нурсиз дурангга эришди. 3-4 турларни ўз майдонида “Норин” 2:1, “УзДонгЖу” кичик 1:0 ҳисобида мағлуб этилди, 5-6 турларни самаркандликлар яна сафарда давом эттиришди. Дастлаб “Хоразм”ни 1:2, 6-турда “Орол”ни 2:3 ҳисобида мағлубиятга учратиб, сафардан 6 очко билан қайтдилар.
Демак, самаркандликлар ҳисобида 6 бор майдонга тушиб, 4 та ғалаба ва 1 та дуранг, 1 та мағлубият билан турнир жадвалида 13 очко билан ўзаро тўплар нисбатига кўра 4-поғонани эгаллаб турибди.
Юқоридаги ҳолатлардан ўтган 6 тур натижаларидан хулоса қиладиган бўлсак ким қандай йўлни босиб ўтди-ю, келгуси ўйинларда кимда имконият қандай деган савол туғилади.
“УзДонгЖу” 4 та ўйинни ўз уйида ўтказди. Кейинги иккита турни сафарда “Локомотив БФК” ва “Оқ-тепа” жамоаларига қарши ўтказса, 9-турда уйида анча жиддий рақиб “Нурафшон”ни қабул қилади.
“Цементчи”ни эса анча кучли синов кутмоқда.. Яъни келгуси 3 та тур мехмонда, дастлаб “Ғиждувон”га сафар уюштирса, 8-турда анчайин жиддий рақиб “Нурафшон” меҳмони бўлади. 9-турни хам сафарда “Ёзёвон лочинлари”га қарши ўтказади. Энг қизиги 10-турни ўтказиб юборади. Бундан кўриниб турибдики қувасойликлар белни маҳкам бойламаса пешқадамликни бериб қўйишлари мумкин.
“Динамо” эса юқорига кўтарилиб олиш учун анчагина яхши имкониятга эга. 2 та учрашувни ўз майдонида ўтказади. 7-турда ҳозиргача бирор очко ололмаган мусобақа аутсайдери “Пахтакор-2”ни қабул қилса, 8-турда “НБУ-Осиё”ни синовдан ўтказади.
Бу борада “Нурафшон”да имконият яхширокдек кўринмокда. Бухороликлар битта ўйин кам ўтказган холда 7-турда “Ёзевон лочинлари”ни, 8-турда “Цементчи”ни қабул қилади.
Ҳар қалай “Нурафшон” жамоаси уй учрашувларида ҳали бирор марта мағлубиятга учрамаган!
Ушбу жамоаларнинг келгуси 2 та учрашуви:
7-тур
Ғиждувон - Цементчи
Локомотив БФК – УзДонгЖу
Динамо - Пахтакор-2
Нурафшон - Ёзевон лочинлари
8-тур
Нурафшон - Цементчи
Ок тепа - УзДонгЖу
Динамо - НБУ-Осиё
Ҳозирда мусобақа жадвалини бошқариб бораётган бу тўрт жамоа ичида “Нурафшон” ва “Динамо” жамоаларининг имкониятдари юқорироқ, “Цементчи” ва “Уздонгжу” жамоаларини эса бироз мураккаброк вазият кутиб турибди.
Зухриддин Абдуллажонов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
