Football.ua ва Grants компанияси «МЮ», «Реал», «Лос-Анжелес Гэлакси», «Милан» ва «ПСЖ»да ўзидан ёрқин из қолдирган Англия терма жамоасининг собиқ сардори Дэвид Бекхэмга тегишли ёрқин цитаталарни эътиборингизга ҳавола қилади.
Ўша воқеа ўтмишда рўй берганди, биз эса ҳозир келажакдамиз.
Ёшлигимдаёқ менга катта умид билан қарашганди. Шундай бўлгач, машҳур бўлишдан ўзга иложим йўқ эди.
Том Круз менга қараганда анчайин машҳур.
Футболда яхши соч турмагига эга бўлиш муҳим, чунки кўпгина одамлар, қизлар қўлларига фотоаппарат ушлаган ҳолда сени кўриш учун стадионга келишади. Ўйин оммабоплигига ташқи кўринишинг ҳам боғлиқ.
Ҳеч қачон кимлигим, қаерданлигим ва илдизларимни унутмайман. Қаерда яшаётганлигим ҳам муҳим эмас. Мен инглизман ва тамом.
«Иложи йўқ« - бу муаммога қарши курашишдан кўра, таслим бўлишни маъқул деб билган кичик одамнинг оғзидан чиққан сўз.
Мен доим сартарош бўлишни орзу қилардим.
Янги соч турмагим журналлар муқовасидан ўрин олганини тушунаман. Аммо менинг оёқларим? Бу - кутилмаган ҳол.
Барча динларни ҳурмат қиламан. Ҳалол яшашга, бошқаларни ҳурмат қилишга интиламан. Кимдир хатти-ҳаракатларимизни кузатиб турганига ишонаман.
Роналдо ўз бассейнида тошбақаларни боқиши тўғрисида гапиришади. Йўқ, асло бундай эмас, мен бу бассейнда бўлганман ва биламан.
Футбол - сеҳрли ўйин.
Роналду ва Месси каби ўйинчилар йўқликдан пайдо бўлишмайди. Улар ўз устларида кўп ишлашади. Айнан бу нарсани болаларимга ва бошқаларга тушунтирмоқчи бўламан: бу йигитлар катта меҳнат эвазигагина шундайин ўйнашяпти.
Одамлар менинг тимсолимда яхши ўйин кўрсатиш учун меҳнатдан қочмайдиган футболчини кўришларини хоҳлайман.
Менга эътибор қаратишларини ёқтираман. Шунга қарамай, оддийгина инсонман.
Хобби учун менда вақт йўқ. Охир-оқибат, ишим - мен учун севимли хобби. Бу мен севадиган нарса.
Мени ЖЧ-1998нинг нохуш хотиралари ҳамон безовта қилади. Бу бир умр ёдимда қолади.
Футболчи сифатида доимо дунёнинг энг зўрларига тенглашмоқчи бўласан.
Одамлар танқидни турлича қабул қилишади. Мен эса курашишни маъқул кўраман.
Менинг фаолиятим ҳеч қачон пулга боғлиқ бўлмаган. Қаерга бормайин, боримни севимли машғулотимга бериб ўйнаганман.
Рафиқамга 110 фоиз ишонаман. Бошқалар Викторияни «юбкадаги эркак», деб аташса, бундан фақат хурсанд бўламан.
Алекс Фергюсон - дунёдаги энг яхши мураббий.
Қилаётган ишимдан омадим чопган. Нимадандир хафа бўлишга асосим йўқ.
Жудаям қайсарман, бу эса фаолиятимда катта ёрдам берган.
АҚШда мен ёқтирган нарса - улар спортчиларни ҳурмат қилишади...
Футбол - бу жаҳондаги энг буюк ўйин, АҚШ эса - йирик спорт диёридир. Нима учун бу икки нарсани бирлаштирмаслигим керак?
Ҳеч қачон фаолиятимга нуқта қўйиш ҳақидаги қароримдан афсусланмаганман. Менинг танам аввалгидай эмас ва қачонлардир шундай бўлиши керак эди.
И.ОБИДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
