Испания чемпионатининг 5-тури доирасида "Барселона" ўз майдонида "Атлетико"ни қабул қилди. Ушбу ўйиндан олдин "Реал" ўз майдонида "Вильярреал"га қарши ўйинда очко йўқотганини инобатга олганда, иккала жамоада "Қироллик клуби"га яқинлашиб олиш имконияти бор эди. Аммо бу баҳс ҳам дуранг билан якунланди.
Дастлабки 30 дақиқа ичида жамоалар тахминан бир-бирларига тенг футбол намойиш қилдилар. Танаффусгача бўлган сўнгги 15 дақиқада "Барселона" босимни оширди ва ҳисобни очишга муваффақ бўлди. Тўп бурчакдан ўйинга киритилганидан кейин Иньеста дарвозабон майдончасига узатма берди. Ракитич бош билан тўпни дарвозага жойлаб қўйди.
Иккинчи бўлимни Диего Симеоне шогирдлари фаол бошлашди. Боз устига, Луис Энрике аввал Бускетсни, сўнгра жароҳат олган Лионель Мессини захирага олди. Бу эса меҳмонларнинг ҳисобни тенглаштиришига олиб келди. Меҳмонлар чап қанотда тўпни ўйинга киритишди ва Торрес Пикенинг ёнидан ўтказиб Корреага узатма берди. Маскерано эса кутилмаганда йиқилиб тушди ва Анхель дарвозабон билан бирга-бир вазиятда 15 метрдан зарба берди. Тўп устунга тегиб, тўрга бориб тушди.
Ҳакамнинг финал ҳуштагига қадар каталонияларда гол уриш учун камида 3та, мадридликларда бир марта имконият юзага келди. Бироқ посбонлар яхши ҳаракат қилиб, тўпнинг дарвозадан ўрин олишига йўл қўйишмади.
Ушбу дурангдан кейин "Барселона" 10, "Атлетико" эса 9 очко билан жадвалда 3 ва 4-ўринларни эгаллаб туришибди. "Реал" 13 очко билан биринчи, "Севилья" 11 очко билан 2-ўринни банд этган.
Испания Ла лигаси, 5-тур
"БАРСЕЛОНА" - "АТЛЕТИКО" - 1:1
Голлар: 1:0 – 41 Ракитич, 1:1 – 61 Корреа.
Барселона – тер Штеген, Суарес, Пике, Альба, Бускетс (Андре Гомеш, 51), Маскерано, Ракитич, Серджи Роберто, Иньеста, Неймар, Месси (Турон, 59).
Атлетико – Облак, Савич, Филипе Луис, Хуанфран, Годин, Габи, Коке, Феррейра Карраско (Парти, 73), Сауль (Торрес, 60), Гризманн, Гамейро (Корреа, 60).
Огоҳлантиришлар: Коке (54), Гризманн (67), Парти (82), Суарес (84), Филипе Луис (86), Альба (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Пахтакор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
