“Насаф” Ўзбекистон Профессионал Футбол Лигасининг 24-тур учрашувини ўз майдонида Бекободнинг “Металлург” жамоасига қарши ўтказади. Учрашув Қарши шаҳридаги “Марказий” стадионда соат 18:15да бошланади.
Навбатдаги учрашув жамоаларнинг ўзаро 38 – учрашуви бўлади.
Ўзаро учрашувлар тарихидан
Мазкур жамоалар миллий чемпионатимизда илк марта 1998 йили туқнаш келишган. Ўзаро учрашувларнинг статистикасига эътибор қаратсак, жамоалар миллий чемпионатимизда ўзаро 37 марта туқнаш келишган. Бўлиб ўтган 24 ўйинда “Насаф” жамоасининг қўли баланд келган. 4 ўйинда дуранг натижа қайд этилган. Қолган 9 учрашувда бекободликлар ғалаба қозонишган. Тўплар нисбати бўйича “Насаф” футболчилари устунликни ўз қўлларида ушлаб туришибди – 64:30.
Бу жамоаларнинг ўтказилган тўрт учрашувида “аждарлар” йирик ҳисобда зафар қучишган. Энг йирик натижа 2004 йил 15 мартда Қаршида кечган баҳсда қайд этилган. Унда “Насаф” жамоаси рақиб дарвозасига жавобсиз еттита тўп йўллашга муваффақ бўлган.
Қаршида ўтган учрашувлар ҳақида
Қаршида бўлиб ўтган 18 учрашувнинг 16тасида “Насаф” ғалаба қозонган. Бир учрашувда дуранг ва яна бир учрашувда маъданчилар ғалабага эришган. Навбатдагиси Қарши шаҳридаги 19-учрашув сифатида тарихга киради.
Қуйида Қаршида бўлиб ўтган 18та учрашувларнинг натижаларини эътиборингизга ҳавола қиламиз:
22.03.1998 “Насаф” – “Металлург” 2:0
14.08.1999 “Насаф” – “Металлург” 2:1
14.06.2000 “Насаф” – “Металлург” 4:3 (2:2)
21.11.2001 “Насаф” – “Металлург” 2:1
10.03.2002 “Насаф” – “Металлург” 2:0 (0:0)
07.05.2003 “Насаф” – “Металлург” 3:1 (2:1)
15.03.2004 “Насаф” – “Металлург” 7:0 (3:0)
16.10.2005 “Насаф” – “Металлург” 4:0 (1:0)
26.03.2006 “Насаф” – “Металлург” 3:2 (0:1)
07.04.2007 “Насаф” – “Металлург” 3:1 (0:0)
12.04.2008 “Насаф” – “Металлург” 2:0 (2:0)
03.10.2009 “Насаф” – “Металлург” 3:0 (0:0)
01.08.2010 “Насаф” – “Металлург” 2:0 (0:0)
29.05.2011 “Насаф” – “Металлург” 2:0 (1:0)
21.06.2012 “Насаф” – “Металлург” 1:0 (0:0)
04.05.2013 “Насаф” – “Металлург” 3:1 (3:1)
27.04.2014 “Насаф” – “Металлург” 0:0
15.05.2015 “Насаф” – “Металлург” 0:1 (0:1)
Йўқотишлар ҳақида
Ушбу тур учрашувида жамоамизда жиддий йўқотишлар бор. Фаррух Сайфиев ва Шахбоз Эркиновлар “Металлург”га қарши учрашувда жамоамизга ёрдам бера олишмайди. Чунки бу ўйинчиларимизнинг олган сариқ карточкалари сони тўрттага етган.
Учрашув ҳакамлари
“Насаф” – “Металлург” учрашувини ФИФА ҳаками Владислав Цейтлин бошчилигидаги тошкентлик ҳакамлар бошқариб боришади.
Владислав Цейтлинга қанотларда Александр Сидоров ва Дониёр Сайлавовлар ёрдам беришади. Захира ҳаками сифатида Игорь Гормашев ишлайди. Учрашувда ҳакамлар ишини Иброҳим Шарипов назорат қилади. Бухоро шаҳридан.
Владислав Цейтлин бу йилги мавсумда жамоамиз иштирокидаги қуйидаги учрашувларни бошқарган.
ЎзПФЛ 2-тур.
“Олмалиқ” – “Насаф” 1:3
ЎзПФЛ 6-тур.
“Бухоро” – “Насаф” 0:2
Ўзбекистон Кубоги-2016. ½ финали дастлабки учрашув
“Насаф” – “Бухоро” 2:0
ФИФА рефериси – Владислав Цейтлин бу йилги футбол мавсумида жамоамиз иштирокидаги энди тўртинчи учрашувни бошқаради.
Жамоаларнинг турнир жадвалидаги ҳолати
“Насаф” жамоаси айни пайтда 48 очко тўплаган ҳолда, турнир жадвалининг 3-поғонасини эгаллаб турибди. “Металлург” жамоаси 39 очко билан 5-поғонада бормоқда. Ўтган турда жамоамиз сафарда “Қизилқум” билан жанговор дуранг қайд этган бўлса, маъданчилар ўз майдонида “Бухоро” жамоасига имкониятни бой беришган.
Учрашувларнинг бошланиш вақтлари
“Насаф” – “Металлург” жамоаларининг ўринбосарлари ўртасидаги учрашув 29 сентябр пайшанба куни Спутник қўрғонидаги ёшларимиз қароргоҳи майдонида соат 16:30да бошланади. Жамоаларнинг асосий таркиблари ўртасидаги учрашув эса, 30 сентябр жума куни “Марказий” стадионда соат 18:15да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
