"Барселона" Испания чемпионатининг 9-тури доирасида "Валенсия" меҳмони бўлди ҳамда жуда катта қийинчилик билан ғалаба қозонди.
Луис Энрике шогирдлари у қадар яхши ўйин кўрсата олишмади, шунга қарамай, асосан ўйинчиларнинг маҳорати эвазига ғалабани илиб кетди.
Ўйиннинг 22-дақиқасида каталонияликлар ҳисобни очишди. Ракитичнинг узатмасидан кейин Лионель Месси жарима майдончаси чизиғи устидан зарба берди ва дарвозани ишғол қилди.
Танаффусга қадар меҳмонлар камида 2та гол уришлари мумкин эди, аммо валенсияликлар дарвозабони Диего Алвес маҳорат кўрсатиб, қийин вазиятларда жамоасини голлардан қутқарди. Иккинчи бўлим бошида Иван Ракитич бўш дарвозани ишғол қила олмади, акс ҳолда ўйин тақдири ҳал бўлиши мумкин эди.
"Сен урмасанг, сенга (икки марта) уришади", мақоли ишга тушди ва "Валенсия" 4-5 дақиқа ичида "Барса" дарвозасини 2 марта ишғол қилди. "Кўк-анорранглилар"дан "кўршапалаклар"га ижара асосида ўтган Мунир эл-Ҳаддодий ва Родриго меҳмонларнинг сусткашлигидан фойдаланишга муваффақ бўлишди. Барселоналиклар тезда ҳисобни тенглаштириша олишди. Бурчакдан тўп ўйинга киритилган пайтда Суарес дарвозани ишғол қилди.
Ўйин сўнгига қадар "Валенсия" 2 марта қулай имкониятдан фойдалана олмади. Баҳсга қўшиб берилган дақиқаларда "Барселона" томонидан уюштирилган ҳужум пайтида ҳакам мезбонлар дарвозаси томон пенальти белгилади. Месси Неймар билан ўзаро "девор" ўйнаб, Луис Суаресга пас берди. Абденнур жарима майдончаси ичида Суаресни чалиб йиқитди. Лионель Месси дарвоза бурчагига ерлатиб зарба берди, Алвес зарба йўналишини топди, аммо зарбани қайтара олмади.
Ушбу ғалабадан кейин "Барселона" ўз очколарини 19тага етказиб, вақтинчалик бўлса-да Ла лига жадвалида 1-ўринга кўтарилиб олди.
Валенсия – Барселона 2:3 (0:1, 2:2)
Голлар: 0:1 – 22 Месси, 1:1 – 52 Мунир, 2:1 – 56 Родриго, 2:2 – 62 Суарес, 2:3 – 90, пенальти Месси.
Валенсия – Диего Алвес, Гарай, Гайя (Абденнур, 38), Монтойя (Мунир, 46), Жоау Канселу, Парехо, Суарес, Перес, Нани, Родриго (Санти Мина, 71), Мангаля.
Барселона – тер Стеген, Месси, Динь, Умтити, Андре Гомеш (Суарес, 71), Маскерано, Иньеста (Ракитич, 14), Сержи Роберто, Бускетс, Неймар, Суарес.
Огоҳлантиришлар: Гарай (17), Диего Алвес (23), Бускетс (25), Динь (47), Неймар (51), Суарес (69), Месси (73), Перес (76), Абденнур (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
