Олий лиганинг 27-тури доирасида "Локомотив" ўз майдонида "Насаф"ни қабул қилди. Жанговар кечган ўйинда "темирйўлчилар" рақибни қийинчилик билан мағлуб этишга муваффақ бўлишди.
Баҳснинг 30 ва 36-дақиқаларида майдон эгалари рақиб дарвозасига Тўхтахўжаев ва Мирзаевнинг томонидан урилган иккита гол эвазига ўйин тақдирини ҳал қилиб қўйгандек бўлишганди. Аммо орадан 2 дақиқа ўтиб Махарадзенинг қўпол хатосидан кейин Сайфиев ҳисобни қисқартирган бўлса, орадан кўп ўтмасдан Драган Черан 15 метрлардан дарвозани ишғол қилди. Шу тариқа томонлар танаффусга дуранг натижа билан йўл олишди.
Иккинчи бўлим бошида катта куч билан олдинга ташланган мезбонлар яна ҳисобда олдинга ўтиб олишди. Жаримадан етказилган узатмаган Темурхўжа дарвозабон майдончаси чизиғи устида ўнг оёқда зарба берди. Суюнов зарбани қайтарди. Абдухолиқов бош билан тўпни дарвозага жойлади.
"Насаф" мағлубиятдан қутулиб қолиши мумкин эди. Қўшиб берилган дақиқаларда Черан томонидан 30 метрдан йўллаган зарба натижасида тўп тўсинга тегиб қайтган бўлса, Эркиновнинг бош билан берган мураккаб зарбасини Маъмур Икромов қайтаришга муваффақ бўлди.
Ушбу ғалабадан кейин "Локомотив" таъқибчиси — "Бунёдкор" билан ўртадаги фарқни яна 4 очкога етказди. "Насаф"нинг очко йўқотишидан фойдаланган "Бухоро" қаршиликлар билан 2 очкога қисқартирди.
Олий лига, 27-тур
16:00. ЛОКОМОТИВ - НАСАФ - 3:2 (2:2)
Голлар: Ислом Тўхтахўжаев (30), Сардор Мирзаев (36), Темурхўжа Абдухолиқов (53) — Фаррух Сайфиев (38), Драган Черан (41)
Огоҳлантиришлар: Драган Черан (40), Фозил Мусаев (70), Игорь Голбан (87)
“Локомотив”: 12.Маъмур Икромов, 4.Бобурбек Йўлдошев, 5.Кахи Махарадзе, 8.Сервер Жепаров (Темур Кападзе 64), 10.Марат Бикмаев (Олег Зотеев 74), 11.Темурхўжа Абдухолиқов, 13.Неманья Яничич, 15.Сардор Мирзаев, 17.Салим Мустафоев, 20.Ислом Тўхтахўжаев, 22. Санжар Шоаҳмедов (Икром Алибоев 84)
"Насаф": 25.Элдорбек Суюнов, 4.Мақсуд Каримов (Шаҳбоз Эркинов 66), 22.Игорь Голбан, 23.Шерзод Аъзамов, 24.Огнен Красич, 28.Фозил Мусаев, 31.Сайдулло Раҳматов (Баҳром Абдураҳимов 40), 33.Одилжон Ҳамробеков, 34.Фаррух Сайфиев, 38.Дониёр Нарзуллаев, 69.Драган Черан
Бош ҳакам: Бахтиёр Намозов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
