Олий лиганинг 7- турида “Навбаҳор” ўз майдонида Ғузорнинг “Шўртан” клубини қабул қилди.
Биринчи бўлим мезбонларнинг устунлигида ўтди. 33-дақиқада Таран яқин масофадан гол уролмаганини инобатга олмаганда, "Шўртан" дарвоза олдида хавфли вазиятларни ярата олмади.
Наманганликлардан Неманья Йовановичнинг "иккинчи қават"даги фаоллиги, Мирзоҳид Ғофуровнинг ўнг қанотдан катта тезликда олдинга ўтиши, Аҳмедовнинг кучли зарбалари меҳмонларни хавотирланишига сабаб бўлди. Аммо беллашувнинг биринчи ярмида ўйингоҳга йиғилган томошабинлар гол кўришмади.
Танаффусдан сўнг "Шўртан" ўйинида бироз ижобий ўзгариш бўлди. Аммо дарвозабон ва ҳимоячиларнинг ишончли ўйини рақибга гол уриш учун имкон қолдирмади.
57-дақиқада Йованович ҳисобни очишга яқин келганди. Неманьянинг чалқанча усулда йўллаган зарбасини Тожибоев бартараф этишга муваффақ бўлди. Орадан 10 дақиқа ўтгач унда яна қулай имконият вужудга келганди, бироқ яна омад ундан юз ўгирди.
Учрашув якунланишига 12 дақиқа қолганида мезбонлар ўз мақсадига эришди. "Навбаҳор" жарима тўпи ишлади. Ойбек Қиличев стандарт вазиятдан унумли фойдаланиб, учрашувда ҳисобни очди.
Шу тариқа учрашувдаги ягона гол "навбаҳорчилар"га уч очкони тақдим қилди.
Олий лига, 7-тур
22 апрель. Наманган. “Марказий” ўйингоҳ.
“Навбаҳор” – “Шўртан” – 1:0 (0:0)
Гол: О. Қиличев (78).
Ҳакамлар: И. Танташев, Х. Шодмонов, А. Қўлдошев, Д. Жалимов.
Назоратчи – А. Абдуллаев.
"Навбаҳор": 30. Асилбек Аманов, 4. Аббос Отахонов (77.Азиз Турғунбоев, 46, 10. Мансур Саидов, 63), 5. Ғиёс Комилов, 7. Ойбек Қиличев, 9. Дилшод Жабборов, 19. Мирзоҳид Ғофуров, 21. Аъзам Алиев, 22. Рўзимбой Аҳмедов (33. Тоҳир Шамшитдинов, 81), 32. Жаҳонгир Меҳмонов, 44. Дарко Станоевич, 84. Неманья Йованович.
“Шўртан”: 1. Элдор Тожибоев, 3. Азиз Ғуломхўжаев (29. Қадамбой Нурметов, 81), 9. Игорь Таран (10. Олександр Пишур, 83), 11. Зафар Полвонов, 14. Умарбек Эшмуродов, 15. Обид Жўрабоев, 18. Элдор Бойматов, 19. Маъруфхон Муродов (17. Ғулом Раҳмонов, 65), 22. Сирож Хамроев, 27. Сардор Собирхўжаев, 77. Отабек Нарзуллаев.
Огоҳлантиришлар: А. Отахонов (29) - С. Ҳамроев (7), О. Жўрабоев (45+2).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
