• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 29 июнь, 2025 йил, якшанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• Суперлига

  жадвал    тақвим    тўпурарлар
  • • 28.06.2025 19:00
    • Навбаҳор
    • 6:0
    • Машъал
  • • 28.06.2025 20:00
    • Қизилқум
    • 0:1
    • Нефтчи
  • • 29.06.2025 19:00
    • Бунёдкор
    • -:-
    • Сўғдиёна
  • • 29.06.2025 20:00
    • Бухоро
    • -:-
    • Шўртан
  • • 30.06.2025 20:00
    • ОКМК
    • -:-
    • Сурхон
• Клублар ўртасида ЖЧ

  жадвал    тақвим    тўпурарлар
  • • 28.06.2025 21:00
    • Палмейрас
    • 1:0
    • Ботафого
  • • 29.06.2025 01:00
    • Бенфика
    • 1:4
    • Челси
  • • 29.06.2025 21:00
    • ПСЖ
    • -:-
    • Интер Майами
  • • 30.06.2025 01:00
    • Фламенго
    • -:-
    • Бавария
  • • 30.06.2025 23:59
    • Интер
    • -:-
    • Флуминенсе

Хабарлар архиви

Тошкентда бокс бўйича Осиё чемпионати старт олди.

Тошкентдаги “Ўзбекистон” спорт мажмуасида 30 апрелдан - 7 майга қадар бўлиб ўтадиган қитъа чемпионатида Осиё бокс Конфедерацияси (ASBC)га аъзо 29 мамлакат - Ўзбекистон, Хитой, Ҳиндистон, Эрон, Иордания, Қозоғистон, Жанубий Корея, Мўғулистон, Покистон, Шри-Ланка, Тожикистон, Туркманистон, Қирғизистон, Афғонистон, Малайзия, Бутан, Ливан, Непал, Фаластин, Қатар, Сингапур, Таиланд, Индонезия, Филиппин, Япония, Тайвань, БАА, Ироқ ҳамда Сурия давлатларидан 179 нафар энг кучли боксчилар ғолиблик учун рингга чиқишади.

Осиё чемпионатида юртимиз шарафини қуйидаги боксчиларимиз ҳимоя қилишади: Ҳасанбой Дўсматов (-49 кг), Жасурбек Латипов (-52 кг), Муроджон Аҳмадалиев (-56 кг), Элнур Абдураимов (-60 кг), Иқболжон Холдоров (-64 кг), Шаҳрам Ғиёсов (-69 кг), Исроил Мадримов (-75 кг), Бектемир Мелиқўзиев (-81 кг), Санжар Турсунов (-91 кг) ва Баҳодир Жалолов (+91 кг).

Халқаро ҳаваскор боксчилар Ассоциацияси (AIBA) қоидаларига кўра, жанглар 10та – 49, 52, 56, 60, 64, 69, 75, 81, 91 ва +91 кг вазн тоифаларида ўтказилади. Шунингдек, мазкур қитъа чемпионатида боксчилар совринли ўринлар учун курашишдан ташқари жорий йилнинг 23 августидан – 4 сентябригача Германиянинг Гамбург шаҳрида бўлиб ўтадиган Жаҳон чемпионати йўлланмаси учун баҳс олиб боришади.

Вакилларимизнинг қитъа биринчилигидаги иштирокларини -52 кг вазн тоифасидаги боксчимиз Жасурбек Латипов бошлаб берди. Покистонлик Сайид Асифга қарши жанг ўтказган боксчимиз рақибини ишончли тарзда мағлуб эта олди. Латипов энди иккинчи босқичда қирғизистонлик Азат Усеналиевга қарши жанг ўтказади. Бугун яна беш нафар вакилларимиз рингга кўтариладилар:

Муроджон Аҳмадалиев – Ш. Майдаров (Туркманистон) (-56 кг)

Иқболжон Холдоров - Ашиш (Ҳиндистон) (-64 кг)

Ҳасанбой Дўсматов - Тхиванка Паллеха (Шри-Ланка) (-49 кг)

Исроил Мадримов - Қосим Абдуамад (Фаластин) (-75 кг)

Санжар Турсунов - Хеонг Кю Ким (Ж. Корея) (-91 кг)

Маълумот учун, жаҳон чемпионатида Осиё қитъаси учун 60 та ўрин ажратилган бўлиб, Тошкентдаги қитъа чемпионатида ҳар бир вазн тоифасида энг кучли 6 нафар боксчилар жаҳон чемпионати лицензиясига эга бўлишади.

Таъкидлаш лозимки, Осиё чемпионатини ўзида қабул қилиш учун қитъамизнинг бир неча давлатлари даъвогарлик қилишганди. Аммо Ўзбекистонда боксни ривожлантиришга кўрсатилаётган доимий эътибор, нуфузли мусобақаларни юқори савияда ўтказиш тажрибаси, мамлакатимиздаги мавжуд спорт инфратузилмаси ва энг муҳими Рио Олимпиадасида ўзбекистонлик боксчиларнинг еттита медалга сазовор бўлиб, бу борада нафақат Осиёда, балки жаҳонда ҳам тенгсиз эканликларини исботлашгани Осиё бокс Конфедерацияси (ASBC) мутасаддиларига чемпионат мезбонлигини айнан бизга беришлари учун туртки бўлди. Эслатиб ўтамиз, Осиё чемпионати 7 майга қадар давом этади.