Ёзги трансферлар мавсуми ҳам бошланди. Бу сафар ҳам жаҳон футболида йирик трансферлар амалга оширилиши мумкин.
Goal нашри эса ҳозиргача амалга оширилган энг қиммат трансферлардан таркиб топган рамзий терма жамоани тузиб чиқди. Бунда ҳар бир чизиқдаги энг йирик трансферлар эгаси жой олган. Демак, дунёнинг энг қиммат рамзий термаси билан танишинг.
Дарвозабон:
Жанлуижи Буффон (« Парма »дан “Ювентус”га 52,8 миллион евро)
2001 йилги трансфер бозорида « Ювентус » клуби ёш иқтидорли дарвозабон учун 52,8 миллион евро тўлади. Ўз даврида дарвозабон учун бу ақлбовар қилмас маблағ эди. Бугун эса Буффон унга сарфланган маблағ беҳуда кетмаганини кўрсатмоқда. Клуб билан деярли барча мусобақаларда ғолиб чиққан Буффонга фақатгина Чемпионлар Лигасидаги ғолиблик армон бўлиб қолиши мумкин.
Ҳимоячилар :
Даниэл Алвеш (« Севиля »дан « Барселона »га 35,5 миллион евро)
Бразилиялик ўнг қанот ҳимоячиси учун каталонияликлар пулни аяб ўтиришмади. Гвардиола « Барса »сида муҳим аҳамият касб этган Алвеш ўз қанотида энг қиммат ҳимоячи ҳисобланиб келмоқда.
Жон Стоунс (« Эвертон »дан « Манчестер Сити »га 55,6 миллион евро)
Тарихдаги энг қиммат марказий ҳимоячилардан бири Стоунс ҳозирча Гвардиола қўли остида унга сарфланган пулларни тўлақонли оқламоқда, дея олмамиз. Бироқ, англиялик ҳимоячи барчасини уддалаши учун ҳали олдинда анча вақт бор.
Элиаким Мангаля (« Порту »дан « Манчестер Сити »га 53,8 миллион евро)
2014 йил 11-августида Франция терма жамоасида атиги 3 марта майдонга тушган ҳимоячи Давид Луиздан ҳам ўзиб дунёнинг энг қиммат ҳимоячисига айланганди. Унгача ўша мавсумда 49,5 миллион евро эвазига « Челси »дан « ПСЖ »га ўтган Давид Луиз энг қиммат ҳимоячи эди.
Люк Шоу (« Соутгемптон »дан « Манчестер Юнайтед »га 37,5 миллион евро)
2014/15 йилги мавсумда “Манчестер Юнайтед”га келиб қўшилган Шоу эндигина 18 ни қоралаган эди. Бироқ, 2015 йил 15-сентябрида жиддий жароҳат олиши унинг ривожланишини тўхтатиб қўйди. Ҳозирда жамоадаги ўрни сўроқ остида қолаётган Шоу чап қанот ҳимоясида энг қиммат футболчидир.
Яримҳимоячилар:
Хамес Родригес (“Монако”дан “Реал Мадрид”га 80 миллион евро)
2014 йилги Мундиалда ўзини ҳар томонлама кўрсата олган колумбиялик ярим ҳимоячи Мадридга катта пуллар эвазига келиб қўшилди. Асосий таркибга муқим ўрнаша олмаган Хамес бу ёзги трансфер бозорида жамоани тарк этиши мумкин.
Пол Погба (“Ювентус”дан “Манчестер Юнайтед”га 105 миллион евро)
Ўтган мавсумда “қизил иблис”га айланган франциялик юлдуз Манчестерда паст-баланд даврни бошидан кечирди. Европа Лигаси ғолиби барқарор ўйин кўрсата олмагани боис клуб мухлислари танқиди остида қолиб кетди.
Зайниддин Зидан (“Ювентус”дан “Реал Мадрид”га 75 миллион евро)
Зидан Франция терма жамоаси ва “Ювентус » билан ақлбовар қилмас муваффақиятларга эришавергач, янги “Галактика”ни қураётган Флорентино Перес ўша давр учун қиммат бўлган маблағни “Ювентус” ҳисобига ўтқазиб қўйган эди.
Ҳужумчилар:
Гарет Бэйл (“Тоттенхем”дан “Реал Мадрид”га 101 миллион евро)
“Реал” сафига келиб қўшилганида уэлслик футболчи дунёнинг энг қиммат футболчиси мақомида эди. Юқори савиядаги ўйинини намойиш этган Бейл машхур ББC учлигининг муҳим бир бўлагига айланди. Клуб билан барча мусобақаларни ўзиники қилиб олган Бейл сўнгги пайтларда жароҳатлар гирдобида қолиб кетди ва ушбу мавсумда асосий таркибдаги ўрнини Искога бой берди.
Гонсало Игуаин (“Наполи”дан “Ювентус”га 90 миллион евро)
“Реал”нинг собиқ аъзоси бир неча мавсум мобайнида “Наполи”да ҳам ажойиб ўйинларини кўрсатишда давом этди ва ўтган йили “Ювентус” 90 миллион евронинг баҳридан ўтди. Туринликлар сафида ҳам аргентиналик ҳужумчи ёрқин ўйинларини кўрсатишда давом этмоқда.
Криштиану Роналду (“Манчестер Юнайтед”дан “Реал Мадрид”га 94 миллион евро)
2009 йилда Мадридга кўчиб ўтган Роналду Зиданнинг узоқ йиллик “рекорд”ини янгилаган эди. Роналду учун сарфланган 94 миллион евро эса ўзини тўлиқ оқлади. Унинг клубга келтирган совринлари, голлари, маркетинг кўрсаткичлари аллақачон бу йирик маблағни қоплаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
