“Насаф” биринчи давранинг қолдирилган 3-тур учрашувини Тошкент шаҳрида “Бунёдкор” жамоасига қарши ўтказади.
Ўйин 4 июл сешанба куни “Бунёдкор” стадионида бўлиб ўтади. Мазкур учрашув соат 19:00да бошланади.
Шу пайтгача Олий лигада бу икки жамоа 20 маротаба куч синашишган. Ўтказилган ўйинларнинг 9 тасида “Бунёдкор”нинг қўли баланд келган бўлса, 8 учрашувда кучлар тенг келган. “Насаф” футболчилари уч ўйинда ғалаба нашидасини суришган. Тўплар фарқи – 26:10 “қалдирғочлар” фойдасига.
Ўтган йилги мавсумда Қаршида бўлиб ўтган ўзаро учрашувда 1:1 дуранг натижаси қайд этилган бўлса, иккинчи даврадаги Тошкентда бўлган учрашувда “Бунёдкор” жамоаси 1:0 ҳисобида ғалабага эришган.
“Насаф” сўнгги бор “Бунёдкор”ни Тошкентда 2014 йили мағлуб этган.
Бу жамоалар Тошкентда 10 бор куч синашишган. Шундан 1тасида “аждарлар” ғалабага эришишган. “Бунёдкор” эса Тошкентда етти марта ғалаба қозонган. Қолган 2 учрашувда ғолиб аниқланмаган.
Айни пайтда “Насаф” 26 очко билан турнир жадвалининг 3-поғонасини эгаллаб турибди. “Бунёдкор” жамоаси ҳисобида 18 очко бор. Улар турнир жадвалининг 12-поғонасида боришмоқда.
Қуйида ушбу жамоаларнинг Тошкентда қайд этган барча натижалари билан таништириб ўтамиз.
БУНЁДКОР – НАСАФ 3:0 (1:0)
18.06.2007. 13-тур. Тошкент. МҲСК стадиони. 3500 томошабин
БУНЁДКОР – НАСАФ 4:0 (2:0)
13.08.2008. 20-тур. Тошкент. МҲСК стадиони. 7516 томошабин
БУНЁДКОР – НАСАФ 2:1 (1:0)
24.08.2009. 19-тур. Тошкент. «Жар» стадиони. 5672 томошабин
БУНЁДКОР – НАСАФ 5:0 (2:0)
28.07.2010. 5-тур. Тошкент. «Жар» стадиони. 5844 томошабин
БУНЁДКОР -НАСАФ 2:1 (0:0)
11.06.2011. 11-тур. Тошкент. «Жар» стадиони. 8305 томошабин.
БУНЁДКОР – НАСАФ 0:0
16.06.2012. 10-тур. Тошкент. “Жар” стадиони. 3977 томошабин
БУНЁДКОР – НАСАФ 3:0 (2:0)
Олий лига, 2-тур. 08.03.2013. Тошкент ш. “ЖАР” стадиони . 1684 томошабин.
“БУНЁДКОР” – “НАСАФ” 1:2 (0:1)
Олий лига, 21-тур. 25.09.2014. Тошкент шаҳри. ЖАР стадиони. 3210 томошабин.
“БУНЁДКОР” – “НАСАФ” 0:0
Олий лига, 12-тур. 07.06.2015. Тошкент. “Бунёдкор” стадиони. 3868 томошабин.
“БУНЁДКОР” – “НАСАФ” 1:0
Олий лига, 25-тур. 15.10.2016. Тошкент ш., “Бунёдкор” стадиони. 1732 томшабин
“Бунёдкор” жамоаси футболчилари бу йилги баҳсларда рақиблари дарвозасига 13та тўп киритишган. Ўз дарвозасидан эса 14та тўп ўтказиб юборган. “Қалдирғочлар”нинг барча голларига жами тўрт нафар футболчи муаллифлик қилишган. Булар, Достонбек Ҳамдамов, Вадим Чемиртан, Дилшодбек Аҳмадалиев ва Шаҳзодбек Нурматовдир. Жамоанинг айни пайтдаги тўпурари Достонбек Ҳамдамовдир. У ҳозиргача 9та гол киритган. Вадим Чемиртан 2та, Дилшодбек Аҳмадалиев ва Шаҳзодбек Нурматов эса 1тадан гол муаллифи бўлишган.
“Насаф” футболчилари рақиблари дарвозасини 22марта ишғол қилишди. Шулардан 2таси пенальтидан киритилган бўлса, бир марта ўзаро учрашувда рақиб футболчиси ўз дарвозасига гол киритиб қўйган. Ҳозирги пайтда “Насаф”нинг тўпурари Драган Черан бўлиб турибди. У рақиблар дарвозасини 8 марта ишғол қилди, жумладан 2та голни пенальтидан киритган. Жамоа голларига Черандан ташқари яна ўн нафар футболчи муаллифлик қилишди. Баҳром Абдураҳимов 4та гол киритган бўлса, қолган 9 нафар футболчи ўз ҳисобига биттадан гол ёздириб қўйишган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
