“Nasaf” birinchi davraning qoldirilgan 3-tur uchrashuvini Toshkent shahrida “Bunyodkor” jamoasiga qarshi o‘tkazadi.
O‘yin 4 iyul seshanba kuni “Bunyodkor” stadionida bo‘lib o‘tadi. Mazkur uchrashuv soat 19:00da boshlanadi.
Shu paytgacha Oliy ligada bu ikki jamoa 20 marotaba kuch sinashishgan. O‘tkazilgan o‘yinlarning 9 tasida “Bunyodkor”ning qo‘li baland kelgan bo‘lsa, 8 uchrashuvda kuchlar teng kelgan. “Nasaf” futbolchilari uch o‘yinda g‘alaba nashidasini surishgan. To‘plar farqi – 26:10 “qaldirg‘ochlar” foydasiga.
O‘tgan yilgi mavsumda Qarshida bo‘lib o‘tgan o‘zaro uchrashuvda 1:1 durang natijasi qayd etilgan bo‘lsa, ikkinchi davradagi Toshkentda bo‘lgan uchrashuvda “Bunyodkor” jamoasi 1:0 hisobida g‘alabaga erishgan.
“Nasaf” so‘nggi bor “Bunyodkor”ni Toshkentda 2014 yili mag‘lub etgan.
Bu jamoalar Toshkentda 10 bor kuch sinashishgan. Shundan 1tasida “ajdarlar” g‘alabaga erishishgan. “Bunyodkor” esa Toshkentda yetti marta g‘alaba qozongan. Qolgan 2 uchrashuvda g‘olib aniqlanmagan.
Ayni paytda “Nasaf” 26 ochko bilan turnir jadvalining 3-pog‘onasini egallab turibdi. “Bunyodkor” jamoasi hisobida 18 ochko bor. Ular turnir jadvalining 12-pog‘onasida borishmoqda.
Quyida ushbu jamoalarning Toshkentda qayd etgan barcha natijalari bilan tanishtirib o‘tamiz.
BUNYODKOR – NASAF 3:0 (1:0)
18.06.2007. 13-tur. Toshkent. MHSK stadioni. 3500 tomoshabin
BUNYODKOR – NASAF 4:0 (2:0)
13.08.2008. 20-tur. Toshkent. MHSK stadioni. 7516 tomoshabin
BUNYODKOR – NASAF 2:1 (1:0)
24.08.2009. 19-tur. Toshkent. «Jar» stadioni. 5672 tomoshabin
BUNYODKOR – NASAF 5:0 (2:0)
28.07.2010. 5-tur. Toshkent. «Jar» stadioni. 5844 tomoshabin
BUNYODKOR -NASAF 2:1 (0:0)
11.06.2011. 11-tur. Toshkent. «Jar» stadioni. 8305 tomoshabin.
BUNYODKOR – NASAF 0:0
16.06.2012. 10-tur. Toshkent. “Jar” stadioni. 3977 tomoshabin
BUNYODKOR – NASAF 3:0 (2:0)
Oliy liga, 2-tur. 08.03.2013. Toshkent sh. “JAR” stadioni . 1684 tomoshabin.
“BUNYODKOR” – “NASAF” 1:2 (0:1)
Oliy liga, 21-tur. 25.09.2014. Toshkent shahri. JAR stadioni. 3210 tomoshabin.
“BUNYODKOR” – “NASAF” 0:0
Oliy liga, 12-tur. 07.06.2015. Toshkent. “Bunyodkor” stadioni. 3868 tomoshabin.
“BUNYODKOR” – “NASAF” 1:0
Oliy liga, 25-tur. 15.10.2016. Toshkent sh., “Bunyodkor” stadioni. 1732 tomshabin
“Bunyodkor” jamoasi futbolchilari bu yilgi bahslarda raqiblari darvozasiga 13ta to‘p kiritishgan. O‘z darvozasidan esa 14ta to‘p o‘tkazib yuborgan. “Qaldirg‘ochlar”ning barcha gollariga jami to‘rt nafar futbolchi mualliflik qilishgan. Bular, Dostonbek Hamdamov, Vadim Chemirtan, Dilshodbek Ahmadaliyev va Shahzodbek Nurmatovdir. Jamoaning ayni paytdagi to‘purari Dostonbek Hamdamovdir. U hozirgacha 9ta gol kiritgan. Vadim Chemirtan 2ta, Dilshodbek Ahmadaliyev va Shahzodbek Nurmatov esa 1tadan gol muallifi bo‘lishgan.
“Nasaf” futbolchilari raqiblari darvozasini 22marta ishg‘ol qilishdi. Shulardan 2tasi penaltidan kiritilgan bo‘lsa, bir marta o‘zaro uchrashuvda raqib futbolchisi o‘z darvozasiga gol kiritib qo‘ygan. Hozirgi paytda “Nasaf”ning to‘purari Dragan Cheran bo‘lib turibdi. U raqiblar darvozasini 8 marta ishg‘ol qildi, jumladan 2ta golni penaltidan kiritgan. Jamoa gollariga Cherandan tashqari yana o‘n nafar futbolchi mualliflik qilishdi. Bahrom Abdurahimov 4ta gol kiritgan bo‘lsa, qolgan 9 nafar futbolchi o‘z hisobiga bittadan gol yozdirib qo‘yishgan.
Lokomotiv
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
