Навоийда мураббийлар касбий маҳоратини оширишга қаратилган семинар бошланди
Ўзбекистон футбол ассоциацияси томонидан мураббийларнинг касбий маҳоратини ошириш мақсадида ўтказилаётган навбатдаги семинар бугун Навоийда ташкил этилди. Семинарни ЎФА бўлим бошлиғи Шовкат Имамов олиб боряпти.
Ушбу семинарда навоийлик ЎФА ва ОФК сертификатларига эга бўлган мураббийлар иштирок этмоқда. Семинар давомида мураббийларнинг назарий ва амалий билимлари синовдан ўтказилади.
Назарий имтиҳонларда мураббийларнинг соҳа бўйича билим ва кўникмалари текширилади. Амалий имтиҳонлар давомида эса мураббийларнинг машғулотлар олиб боришга қандай тайёргарлик кўрганликлари, майдонни машғулотга тайёрлаш, машғулот давомида болаларга кўрсатмалар бериб бориш усули, мураббийнинг машғулот давомида ўзини тутиши, футболчиларнинг машғулотдаги хатоларини кўрсатиш ва ўша хатони тўғирлаш борасида амалга оширадиган хатти-ҳаракатлари назорат қилиб борилади.
Манба: the-uff.com
Киритилди: 20:38, 07.06.2018. Ўқилди: 1682 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).