Бугун Миллий олимпия қўмитасида Суперлига, Про-лига бош ҳакамлари, лайнсменлари ҳамда иснспекторлари иштирокида йиғилиш бўлиб ўтди.
Йиғилишда ПФЛ Бош директори Омон Ғофуров, Ўзбекистон Футбол Ассоциацияси мутасаддилари, бош ҳакамлар ва лайнсменлар иштирок этишди.
Йиғилишда Ўзбекистон футбол Ассоциацияси томонидан ҳакамларга барча шароитлар яратиб берилаётгани, ЎФА 1-вице-президенти Умид Аҳмаджонов ҳакамларни мунтазам равишда рағбатлантириш бориш тизимини йўлга қўйиш бўйича топшириқ бергани, бундан кўзланган асосий мақсад юртимизда ҳакамлик савиясини ошириш, ўйинларнинг холис ва адолатли бошқарилишини таъминлашдар иборат эканини айтиб ўтди.
Ҳакамлар учун хорижда ўқув-машғулотлар ташкил қилдик, улар учун турли семинарлар ўтказиляпти. Европа ва Осиёнинг футболи ривожланган мамлакатлари футбол федерациялари билан меморандумлар имзоланди, ҳамкорлик бўйича келишувларга эришилди. Ана шу меморандумлардан унумли фойдаланиб, ёш ҳакамлар учун хорижда турли семинарлар ташкил қилиш режалаштирилгани ҳам таъкидланди.
ПФЛ бош директори Омон Ғофуров ҳакамларимиз ўз устиларида кўпроқ ишлаб, ўйинларни адолатли бошқариб, футбол ривожига ҳисса қўшишлари кераклигини билдириб ўтди.
“Жаҳон чемпионати муносабати билан Суперлига баҳсларида танаффус юзага келганди. Мана энди қисқа танаффусдан кейин Суперлиганинг ўйинлари давом эттирилади. Ҳакамлар зиммасида ниҳоятда масъулиятли вазифа турибди. Учрашувларнинг қизиқарли кечиши кўп жиҳатдан сизларга ҳам боғлиқ. Бу ёғига Суперлига ўйинлари янада қизиқарли кечади. Ҳакамлар ўзларининг хатти-ҳаракатлари билан ўйин темпини тушириб юбормасликлари, ўйинни “бузиб” қўймасликлари керак.
Шунингдек, ҳакамлардан учрашувларни адолатли бошқариш, турли ғирромликларга аралашмаслик талаб этилади. Ҳозирда келишилган ўйинларга қарши жуда жиддий кураш кечмоқда. ЎФАда Келишилган ўйинларга қарши курашиш бўйича махсус инспекция ташкил қилинган бўлиб, ушбу инспекция Ички ишлар вазирлиги ва Бош прокуратура билан ҳамкорликда футболда холисликни таъминлаш учун иш олиб бормоқда. Турли “ўйинлар”га аралашиб юрган баъзи инсонлар ҳақида бизда маълумот бор. Бу бўйича текширув ўтказилмоқда. Футболимиз ривожига тўсқинлик қилаётган бундай инсонлар қаттиқ жазога тортилади.
Ҳакамлардан ана шундай “ўйинлар”га аралашиб қолмасликни, аксинча, бундай ишларни қилаётган футболчилар ёки клублар вакиллари ҳақида хабарлари бўлса, бизга маълум қилишларини сўраб қоламиз”, - деди Омон Ғофуров.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
